Smart Guys 8:9 - Hawaii Pidgin Bible

⁹ Anybody dat tink bout um an undastan stuff, Dey know dat I tell you fo real kine erytime. Da peopo dat know stuff, Dey know dat eryting I tell you stay fo real kine.

Smart Guys 8:9 Referans Kwoze

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

John 6:45

Da guys dat wen talk fo God long time befo time, dey write, ‘God goin teach all da peopo.’ Erybody dat lissen da Faddah, an learn da good kine stuff from him, dey goin come by me an be my guys.

Smart Guys 15:24

Da peopo dat undastan stuff, Dey goin go up an get da real kine life Cuz a da way dey live. Az how dey no goin end up Down inside da Mahke Peopo Place.

Micah 2:7

But you Jacob ohana peopo, You guys tink az good you talk lidat, o wat?! You tink da Spirit a Da One In Charge come huhu too fas? You tink az how he do stuff, o wat? Da One In Charge tell: “Fo shua, wat I tell make good tings happen Fo da peopo dat do right kine stuff.

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Smart Guys 18:15

Da peopo dat undastan good, Easy fo dem learn stuff. An da peopo dat know wat fo do erytime, Dey still try fo lissen new kine stuff fo learn.

Smart Guys 17:24

Da kine guy dat undastan stuff Tink all da time bout How he can know wat fo do erytime. But da stupid buggah Dat tink he no need learn notting, He tink ony bout how fo get stuff dat he no need.

Smart Guys 15:14

Da peopo dat undastan good, Dey go all out fo learn stuff. Da stupid head kine peopo wit attitude Dey ony like learn stupid kine stuff.

Smart Guys 3:13

Wen somebody get da smarts Fo know wat fo do erytime, An learn how fo undastan stuff, Dey can stay good inside!