Smart Guys 8:8 - Hawaii Pidgin Bible

⁸ Wateva I tell you, I tell um cuz I ony do da right ting all da time, No mo crooked kine stuff an no mo notting fo trick you.

Smart Guys 8:8 Referans Kwoze

John 7:46

Dey tell, “Wow! Nobody eva talk da way dat guy Jesus talk!”

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Isaiah 45:23

I wen make one strong promise, An I goin make shua da ting happen. Me, I make dat promise Cuz I do da right ting erytime, An wat I stay promise, nobody can change um. Erybody goin go down on top dea knees Fo show dey get respeck fo me. Erybody goin make one strong promise An aks me fo make shua dey do um.

Rules Secon Time 32:5

But you Israel peopo, You do pilau kine stuff dat he no like. You not his kids no moa, Cuz you all jam up inside. You all crooked an kapakahi kine peopo.

Philippi 2:15

Den nobody can poin finga you guys cuz you guys ony do good kine stuff. Fo real, you guys God kids! Erybody all aroun you guys stay crooked an all jam up. But you guys, you diffren. You erytime do wass right, hea inside da world. Dass jalike da stars dat shine no matta stay dark all ova.

Smart Guys 2:15

Da way dey do tings, dey ony do crooked kine stuff. Dey stay go da wrong way erytime.

Smart Guys 4:2

Cuz I stay teach you guys good kine stuff. So you no foget da rules I tell you.

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.