Smart Guys 8:10 - Hawaii Pidgin Bible

¹⁰ Learn from me wat stay right, Dass mo betta den get plenny silva. Learn plenny good stuff! Dass mo betta den get da bestes kine gold.

Smart Guys 8:10 Referans Kwoze

Songs 119:127

Fo shua, I get love an aloha Fo da tings you tell us guys We gotta do. Dass mo plenny love an aloha Den I get fo da bestes kine gold.

Songs 119:72

Da Rules you teach, dey good fo me, Mo den all da gold an silva dat get.

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Teacha 7:11

Good fo know wat fo do erytime, Jalike az good get property from yoa faddah. Dat two tings make eryting come out mo betta fo da peopo dat live unda da sun.

Smart Guys 10:20

Da peopo dat do da right ting erytime, Da stuff dey tell, az like da bestes kine silva. Da bad peopo, Da stuff dey tink, az ony manini kine stuff, dat.

Jesus Guys 3:6

Peter tell um, “I no mo money, but wat I get, I give you. Jesus from Nazaret, da Spesho Guy God Wen Sen, I his guy. Dass why I tell you, stan up an walk!”

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Songs 119:162

Me, I stay real good inside Cuz I know wat you wen promise fo do. Dat make me feel Jalike I find one big treasure.

2 Corint 6:10

We stay sad inside, but same time we erytime stay good inside. We no mo money, but den, us stay make plenny peopo rich inside. Jalike we no mo notting, but we still yet get eryting.

Smart Guys 8:19

Da tings I give dem, Mo betta den even da fancy kine gold. Da stuff dat come from me Mo betta den da bestes kine silva.

Job 28:15

You no can pay, even wit da bestes kine gold, Fo know wat fo do erytime. You no can buy wit plenny silva.

Job 28:17

No can line up enuff gold o glass. No can trade fo um wit dishes da kine dey make from pure gold.

Smart Guys 20:15

Wen one guy know wat he stay talking bout, Dat guy worth mo plenny Den gold an uku pile a jewelry stone.