Smart Guys 5:6 - Hawaii Pidgin Bible

⁶ Cuz dey no like follow da strait way Fo get da real kine life. Dey go all ova da place, An dey donno wea dey going.

Smart Guys 5:6 Referans Kwoze

Smart Guys 4:26

Go make one strait road fo walk, Fo you no worry you goin fall down.

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Smart Guys 30:20

An I no undastan dis too: How one wahine can fool aroun behind her husban back, Den jus go bafe fo come clean, An she tink, “Eh, I neva do notting wrong!”

Smart Guys 5:21

Cuz Da One In Charge, he can see eryting dat erybody do, Jalike dey stay do um right in front him. An Da One In Charge, he look wat dey do, If good o no good.

Songs 119:59

I tink plenny bout da way I do stuff. Az why I change wat I stay do Fo no foget da tings you wen teach.

Smart Guys 11:19

Da peopo dat do da right ting erytime, Dey goin live fo real kine. Da peopo dat go all out fo do bad kine stuff, Dey goin mahke.

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

Smart Guys 2:19

Erybody come by dat kine wahine, Garans dey not goin come back. Dey not goin find da way Fo get da real kine life.

Smart Guys 9:13

Da kine stuff somebody tink, wen dey tink dey get it, but dey no get it, Try tink bout um lidis, make believe get one wahine. Erybody call her, Da Wahine Dat Tink She Get It, But She No Get It. She make plenny noise, But she donno wat fo do, She donno notting.