Smart Guys 5:2 - Hawaii Pidgin Bible

² Az good, you know wen mo betta you no say notting Bout wat you tink, An you talk bout wat you know.

Smart Guys 5:2 Referans Kwoze

Smart Guys 16:23

Da kine guy dat tink befo he talk, He know wat fo do erytime, An cuz he undastan how come tings happen, He goin tell da right ting. Wen one guy know how fo talk good lidat, Mo plenny peopo goin lissen wat he tell um.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Love Song 4:11

Wen you kiss me, yoa lips sweet jalike honey, my bride. Yoa tongue jalike milk an honey togedda. Yoa clotheses smell good, jalike stuff from Lebanon.

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Songs 119:13

I tell da peopo All da tings you tell cuz you da judge.

Songs 71:15

I goin tell da story bout how You stay do da right ting erytime. I goin talk all day bout How you get peopo outa trouble, No matta I ony know litto bit Wat you do!

Songs 45:2

From all da guys dat get, You da mos good looking. Erytime you talk, show you get aloha. Az why God do good tings fo you erytime.

Smart Guys 20:15

Wen one guy know wat he stay talking bout, Dat guy worth mo plenny Den gold an uku pile a jewelry stone.

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.