Smart Guys 5:16 - Hawaii Pidgin Bible

¹⁶ Bumbye if you go chase odda wahines, Az jalike yoa watta come too full. Goin go down outside on top da street, An make da place wea get plenny wahine, Come full wit da watta dat come from yoa place.

Smart Guys 5:16 Referans Kwoze

Songs 128:3

Yoa wife, inside yoa house, Goin be jalike one grape plant Dat give plenny grape. Yoa boys dat sit aroun yoa table, Goin be jalike da keikis Dat grow up aroun da olive tree.

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Isaiah 48:21

Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Songs 68:26

Dis how dey goin sing: “Bring erybody togedda Fo tell dat God do good tings fo us! Eh you guys! Tell good tings Bout Da One In Charge, All you peopo dat get blood line From yoa ancesta guy Israel!”

Local Leadas 12:9

He get thirty boys an thirty girls. He give his girls fo marry guys from outside his blood line. Fo his boys, he bring thirty young wahines from outside his blood line, fo marry dem. Ibzan lead da Israel peopo fo seven year.

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.

Start 24:60

Da ohana peopo tell God fo do good tings fo Rebecca. Dey tell, “Eh, you oua sistah! We like you come da ancesta wahine Fo ten million peopo! We like da peopo dat goin come from you come strong So wen odda peopo go agains dem, Yoa peopo goin take ova dea towns!”

Smart Guys 5:15

Wen you make love to yoa wife, Dass jalike you stay drink watta From da big hole wea you keep watta, Get yoa watta from ony yoa puka.

Smart Guys 5:17

Mo betta you keep um all, ony fo you, No good you share um wit wahines you donno.

Smart Guys 5:18

Yoa wife, da one you wen marry wen you was young, She da one make good tings happen fo you, An you feel good wen you stay wit her.

Smart Guys 9:17

‘Eh! Da watta dat you cockaroach from somebody, Taste mo ono, you know! An da food you cockaroach, Dass da bestes kine, Wen you gotta go hide fo eat um!’ ” Dass how she talk, dis wahine, Da one dat tink she get it But she no get it.

Love Song 4:12

Eh sistah! You jalike one garden dat stay all lock up ony fo me, my bride. You jalike one puka wea plenny watta come out, dat stay lock up.

Love Song 4:15

You jalike one fountain dat watta da gardens, One puka wit plenny watta, Dat come down from Lebanon.