Smart Guys 5:10 - Hawaii Pidgin Bible

¹⁰ No good all yoa hard work go to odda peopo An you donno who dem. An eryting you get from yoa hard work, Anodda guy from one diffren country Goin bring all dat inside his house.

Smart Guys 5:10 Referans Kwoze

Hosea 7:9

Da peopo from anodda place take away dea powa. But da Efraim peopo tink notting wen happen to dem. Az jalike da Efraim peopo hair come all gray, But dey donno dey stay weak.

Smart Guys 31:3

You strong, but no go wase yoa time fooling aroun wit da wahines, Da kine wahines dat can jam up king guys.

Smart Guys 6:35

Da husban no goin like you tell him, “Kay den,” No matta how much silva you give him fo no tell. Even if you give him plenny silva Fo try make him change his mind, He no goin change his mind.

Luke 15:30

But dis guy, yoa boy, he wase awready all da money from yoa land fo pay da hoaz. An wen he come home, right den an dea you kill da bestes young cow fo him. An den!’

Smart Guys 5:9

Cuz if you hang out wit her, Bumbye you goin lose da bestes time in yoa life, An give um away to odda peopo. Den her husban goin hurt you, An make you suffa da res a yoa life.

Smart Guys 5:11

An if you no watch out, You goin moan wen you come ol, Cuz yoa body stay all wasted An no mo meat on top yoa bones.

Smart Guys 6:26

Cuz da wahines dat fool aroun fo money, Dey ony charge enuff fo buy food, dass it. But wen da wahine dat awready get husban try come get you, You goin lose da mos expensive ting you get—yoa life, Dass wat she fo real kine goin do!

Smart Guys 29:3

Whoeva fo real kine like know wat fo do erytime, Dea faddah guy goin feel real good inside bout dem. Whoeva hang out wit da wahines dat fool aroun fo money, Dey ony throw way wat dey get fo notting.