Smart Guys 4:7 - Hawaii Pidgin Bible

⁷ You like come da kine guy Dat know wat fo do erytime? Dis, da numba one ting: Go all out fo learn wat fo do erytime, An eryting you learn, Make shua you undastan um.

Smart Guys 4:7 Referans Kwoze

Teacha 7:12

Wen you know wat fo do erytime, Az jalike one roof ova yoa head. An money, az jalike one roof ova yoa head too. But fo know plenny stuff stay mo betta, Cuz da guy dat know wat fo do erytime, Dat goin make him stay alive long time.

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Philippi 3:8

But you know wat? I tink eryting ony wase time. Cuz now, I know fo real kine Da One In Charge a me, Jesus Christ! An dass mo betta! I wen lose eryting cuz I his guy, you know. An I figga, all dat kine stuff I jus wen talk bout, ony bullshit! Cuz I like come real tight wit Christ.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Songs 119:104

Da tings you tell me I gotta do Help me fo undastan all kine stuff. Dass why piss me off Da way some peopo bulai odda peopo.

Luke 10:42

But you ony need one ting. Mary wen pick da mo betta ting, an nobody can take dat away from her.”

Smart Guys 21:6

Anybody bulai odda peopo Fo get plenny stuffs— Da stuffs dey get, Going all blow way jalike da mist, Jalike dey stay try fo mahke.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Smart Guys 4:5

Go get da smarts fo know wat fo do, An fo undastan stuff. Da tings I tell, no foget um, An no go way from dem.

Smart Guys 8:23

Befo eryting wen start, Da One In Charge wen put me togedda, Firs ting, befo da world start.

2 Records 1:10

I like you make me know wat fo do erytime, an how fo tink good, fo be da leada fo all dese peopo. Cuz no mo nobody can figga wass right an wass wrong, fo dis big nation you get!”

Smart Guys 2:4

Try hard fo find out, Jalike you was looking fo silva, O fo da kine treasure dat stay bury inside da groun.