Smart Guys 4:4 - Hawaii Pidgin Bible

⁴ My faddah, he wen show me Wat I suppose to do. He tell me dis: “Good yoa head keep da tings I tell. Do da tings I tell you fo do, Den you can live fo real kine.

Smart Guys 4:4 Referans Kwoze

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

John 12:50

I know fo shua dat wat da Faddah tell us fo do show erybody how dey can come alive foeva fo real kine. Az why eryting I tell, dass jalike wat my Faddah wen tell me fo tell.”

Smart Guys 7:2

Do da tings I stay tell you fo do, Den you goin live fo real kine. No foget fo do wat I stay teach, Jalike you no foget fo keep stuff outa yoa eyeballs.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Timoty 3:15

From small kid time, you know awready da tings da peopo from befo time wen write inside God Spesho Book, da Bible. You know dat dis stuff can make you come smart fo know how fo ack, an fo get you outa da bad kine stuff you do. Az why gotta trus God Spesho Guy Jesus Christ, an gotta stay tight wit him.

Efesus 6:4

Same same fo you faddah guys, no hassle yoa kids fo dem come huhu. Mo betta teach um right, an show um eryting Da One In Charge like um fo know an fo do.

Rules Secon Time 6:6

Dese tings I stay tell you guys fo do today, you gotta tink plenny bout um.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

2 Timoty 1:5

I no foget dat time you wen trus God. Was fo real kine, an you neva ack. Yoa granma, Tutu Lois, was da firs one dat wen trus God lidat, an den yoa muddah Eunice, an now I stay shua you trus God lidat too.

Smart Guys 22:6

Help yoa kids start fo go da right way wen dey small. Den, even wen dey come ol, Dey no goin go da odda way.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Songs 119:168

Eryting you tell me fo do, I do um, Eryting you stay teach, I do um, Cuz eryting I do, I do um in front you.

Smart Guys 23:26

Eh my boy, let me teach you how fo tink good! Wen you watch how I stay live, I like you stay real good inside bout wat you see.

Local Leadas 13:12

So Manoah aks him, “Wen wat you tell happen, wat kine boy he goin be? Wat he goin do?”

Songs 119:144

Da tings you teach me fo do, Stay right foeva. Help me fo undastan um, Fo me stay alive.

Smart Guys 3:2

Den bumbye you goin live long time, You goin get plenny year fo do plenny stuff, An eryting goin go good fo you.

Jeremiah 38:20

Jeremiah tell him, “Dey no goin turn you ova to da Judah guys. Lissen to Da One In Charge, an do wat I tell you fo do. Den eryting goin go good fo you, an you goin stay alive.