Smart Guys 4:21 - Hawaii Pidgin Bible

²¹ Read um plenny time, No stop, make shua nobody stop you, So wat you read stay inside you An you tink bout um all da time.

Smart Guys 4:21 Referans Kwoze

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.

Smart Guys 3:3

Make shua you stay tight wit yoa good frenz An show love an aloha erytime. Make shua peopo can trus you. You make lidat all da time, Dat make you look good, Jalike wen you put on one jewelry on yoa neck. Learn da Rules from God real good, Fo you no foget um an you keep um inside you. Cuz inside, az jalike one book An you stay write inside um.

Smart Guys 2:1

Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 6:21

Stick wit all dat stuff Jalike stay inside you An stay hang aroun yoa neck, all da time.

Smart Guys 7:3

Da tings I stay tell you, Make shua you tink bout um all da time. Make shua you tie um on top yoa finga, Make like you write um inside you Jalike one book, so you no foget.

Smart Guys 22:18

Cuz wen you keep all dis stuff inside you, Eryting goin be real good. Den eryting you wen learn Goin stay ready fo tell odda peopo.