Smart Guys 4:16 - Hawaii Pidgin Bible

¹⁶ Dat kine peopo, Dey no can go sleep, Dey gotta do someting bad firs! Da sleep no come, Till dey make somebody do someting bad!

Smart Guys 4:16 Referans Kwoze

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Isaiah 57:20

But da bad kine guys, Dey jalike da rough ocean Wen da wind make big wave An no can stay quiet. Dat kine wave ony throw mud An junk kine stuff on top da beach.

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

Smart Guys 1:16

Cuz ery place dey go, dey ony go dea fo do bad kine stuff. An dey go fas, cuz dey like make peopo bleed an mahke.

Luke 22:66

Wen da sun come up, da older leadas fo da peopo, da Main Pries guys, an da teachas dat teach da Rules From God come togedda, an bring Jesus in front dem.

John 18:28

Den da guys dat work fo da Main Pries Guy take Jesus away from Kaiafas place to da Rome army headquarters. Was early morning time. But dey neva go inside da Rome guys place, cuz if dey do dat, bumbye dey no can eat da spesho food fo da Passova ceremony, cuz dat make um jalike dey pilau.

Smart Guys 4:15

Foget um awready, no go dea. Go way from dat kine stuff, An go da odda side.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Smart Guys 2:14

Wen dey do someting bad, Dey feel all good inside. Wen dey make eryting kapakahi, Same ting dey feel good.

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Jesus Guys 24:7

But da main captain Lysias, he come an grab him from us.