Smart Guys 4:13 - Hawaii Pidgin Bible

¹³ I stay teach you wass right, So hang in dea. No go way from dat teaching. You betta stick wit um, Cuz az how you goin live fo real kine.

Smart Guys 4:13 Referans Kwoze

Hebrews 2:1

Us guys gotta tink plenny bout all da stuff we wen hear fo us no foget um.

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Rules Secon Time 32:47

Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

1 Tessalonika 5:21

Mo betta, go check out eryting, den stay tight wit da good stuff.

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

Jesus Guys 2:42

Dey stick wit all da stuff dat Jesus guys teach dem. An dey all stick togedda, an eat togedda, an pray togedda.

John 6:68

Den Simon Peter tell um, “Eh! You Da One In Charge! Wea we goin go? No mo nobody can tell us how fo live to da max foeva. You da ony one.

Jesus Show 12:11

Oua braddahs an sistahs wen win ova da bad kine stuff, Cuz dey trus God Bebe Sheep Guy. He wen bleed an mahke fo dem. An dey wen tell dat dey trus him. Dey not even sked fo give dea life fo mahke!

Jesus Show 2:13

‘I know da place wea you guys live, cuz jalike Satan stay king ova dea. But still yet you guys stay tight wit me, an no pau trus me. Even da time wen da guys inside yoa town, wea Satan stay, dey wen kill Antipas cuz he erytime tell da trut bout me, still yet you guys trus me.’

Love Song 3:4

Right afta I go way from dem, I find da one dat I go all out fo love. I hold him an no let him go away, Till I take him inside my muddah house, Inside da room a da one dat wen come hapai wit me.

Teacha 7:12

Wen you know wat fo do erytime, Az jalike one roof ova yoa head. An money, az jalike one roof ova yoa head too. But fo know plenny stuff stay mo betta, Cuz da guy dat know wat fo do erytime, Dat goin make him stay alive long time.

Smart Guys 3:22

You do dat, an inside, you goin live fo real kine, An you goin be da kine guy dat erybody like, Jalike you get one nice lei on yoa neck.

Start 32:26

Da guy tell Jacob, “Let me go! Get litto bit light awready.” Jacob tell da guy, “No way I goin let you go. You gotta make one ceremony fo me firs fo make good tings happen to me. Den I let you go.”

John 6:63

“God Spirit, dass who make da peopo live fo real kine. Da body no can. Wat I stay tell you guys, dass from God Spirit, an dass wat make peopo live fo real kine.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Smart Guys 8:35

Cuz whoeva find me, Dey find da real kine life, An Da One In Charge like do good tings fo dem.

Smart Guys 10:17

Da kine peopo dat lissen up Wen dey get presha fo do da right ting, Dey show odda peopo how Fo make dea life come mo betta. Da kine peopo dat no like lissen Wen somebody tell dem Dey wen do someting wrong, Dey make odda peopo go da wrong way too.