Smart Guys 4:10 - Hawaii Pidgin Bible

¹⁰ Eh my boy, lissen an keep wat I tell you. Az how you can live long time.

Smart Guys 4:10 Referans Kwoze

1 Tessalonika 2:13

An we erytime tell God “Mahalo plenny” cuz a dis too: We wen tell you guys wat God tell, an you guys wen trus dat. You guys neva figga was ony wat peopo tell. Da stuff you guys wen trus was wat God tell, an dass fo real. An dass wat stay make you guys come diffren inside.

Smart Guys 3:2

Den bumbye you goin live long time, You goin get plenny year fo do plenny stuff, An eryting goin go good fo you.

Rules Secon Time 6:2

Az cuz oua God, Da One In Charge, like fo you, yoa kids, an dea kids afta dem, stay sked a him an get respeck fo him all da time you guys stay alive. He like you guys do wat he tell you guys you gotta do, an show respeck fo his rules bout wass right an wass wrong, jalike I stay tell you guys. Az how you guys goin live long time.

Jeremiah 9:20

Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs.

Smart Guys 3:16

Wen you know wat fo do erytime, You goin live long time, An get plenny stuffs an plenny respeck too.

1 Timoty 1:15

Da stuff I stay telling you now stay true, an you can trus um: God Spesho Guy Jesus wen come hea inside dis world, fo take peopo outa da bad kine stuff dey stay do. I da one wen do mo plenny bad kine stuff den all da odda peopo.

Smart Guys 8:10

Learn from me wat stay right, Dass mo betta den get plenny silva. Learn plenny good stuff! Dass mo betta den get da bestes kine gold.

Smart Guys 19:20

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

Smart Guys 2:1

Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Job 22:22

You betta take wat he teach you. Put eryting he tell you inside yoa head.

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.

Rules Secon Time 11:21

Den, all da time da sky stay up dea ova da earth, you guys an yoa kids goin live long time inside da land dat me Da One In Charge wen make one strong promise to yoa ancesta guys fo give dem.”