Smart Guys 30:2 - Hawaii Pidgin Bible

² Cuz I know I one dumb buggah, an mo like one animal den one guy. I no undastan wat peopo suppose to undastan.

Smart Guys 30:2 Referans Kwoze

Songs 73:22

Me, I stupid, an donno notting! Eh God, gotta be you was tinking Dat I jalike one lolo animal.

1 Corint 3:18

No make jalike you know eryting! If you tink you know an undastan eryting jalike all da peopo tink nowdays, dat mean, you donno notting. Wen you figga you donno notting, dass wen you goin start fo learn.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

1 Corint 8:2

Plus, if peopo dat tink dey know someting awready, dey still donno um da way dey suppose to know um.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Smart Guys 5:12

An den you goin tell: “Bummahs! I no like How peopo wen try teach me Fo do da right ting! How dey tell me az wrong, Erytime I go do someting bad. But inside, I tink, ‘I no goin change!’

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Smart Guys 12:1

Da peopo dat feel good inside Wen somebody tell um dey wen do wrong, Dey can learn all diffren kine stuff from dat too. Da peopo dat no like Wen somebody tell um dey wen do someting bad, Dem ony dumb buggahs.

Smart Guys 30:1

Dis, da tings Jakeh boy Agur tell. He get one real importan message fo tell fo God. Dis wat da guy tell to Itiel, an to Ukal too: