Smart Guys 3:6 - Hawaii Pidgin Bible

⁶ Wateva you do, tink bout God an wat he like you fo do, Den he goin make shua notting goin jam you up.

Smart Guys 3:6 Referans Kwoze

Smart Guys 16:3

Eryting you do, turn um ova to Da One In Charge fo help you. Den all da tings you make plan fo do Goin come out okay.

Songs 32:8

Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.

Philippi 4:6

Eh, no worry bout notting! Mo betta, eryting dat happen, pray bout um, an go aks God fo do wateva you guys like him fo do. An same time, no foget tell him, “Mahalo plenny!”

Smart Guys 16:9

Peopo make plan Fo how dey goin live. But Da One In Charge, he da One Make da real plan, wat dey goin do.

Jeremiah 10:23

“You, Da One In Charge, I know fo shua peopo no own dea life. No mo nobody can make dea own plan Fo da nex ting dey goin do.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Isaiah 48:17

Dis one spesho message from Da One In Charge. Him, da One dat pay da price Fo get you guys outa trouble. He God, da Spesho One fo da Israel peopo. Dis wat Da One In Charge tell: “Me, Da One In Charge, yoa God. I da One stay teach you guys Wass da bestes kine stuff fo you. I stay show you guys da way fo go.

Colosse 3:23

Eryting you guys do, go all out fo do um fo Da One In Charge! No do um jus fo odda peopo.

Colosse 3:17

Wateva you guys tell o stay do, do eryting fo Jesus, Da One In Charge, cuz you guys stay his guys, an Jesus goin help you guys tell God da Faddah, “Mahalo plenny.”

Smart Guys 23:17

No look wat da bad kine guys do, An make jalike you like do Wateva dey stay do. Mo betta, go all out all da time Fo show plenny respeck fo Da One In Charge.

1 Corint 10:31

Eryting you guys do, eat, drink, wateva—do um all fo show how awesome God stay.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

1 Samuel 30:8

David aks Da One In Charge, “Az good fo me go chase afta dese guys dat wen rip us off, o wat? Can catch up wit dem, o no can?” Da One In Charge tell, “Go! Chase um! Fo shua you goin catch um, an fo shua you goin get yoa peopo back!”

Isaiah 45:13

Wen I make Cyrus do stuff, Az da right ting fo me do. I goin make um easy fo him do um. He goin build my big town Jerusalem one mo time. He goin let my peopo dat was prisonas Go back home. But wen Cyrus go do all dat, He no do um cuz I goin pay um fo dat, Cuz I no goin pay um. He no goin do um fo unda da table kine money, Cuz I no goin give um dat.” Dass wat Da One In Charge tell, Da God Ova All Da Armies.

Nehemiah 1:11

Eh! You my boss, so I stay praying hard fo you fo lissen good. Get odda peopo, you da boss fo dem too, an dey stay good inside cuz dey know wat kine god you, no matta dey sked wen dey in front you. Dey stay tell you da same ting. So I like you make eryting come good fo me today. Cuz I goin aks da King fo do someting real good fo me. Az why I stay aks you, God, fo make him lissen wat I get fo tell.” Dat time, I was da guy in charge a da wine da king goin drink.

Nehemiah 2:4

Da King tell, “Wat you like me fo do?” I wen pray inside to da God Dat Stay Inside Da Sky.

Ezra 7:27

Den Ezra tell: “I like tell erybody good tings bout Da One In Charge, da God fo oua ancesta guys. He da One dat wen make King Artaxerxes help fix da Temple Fo Da One In Charge, Jerusalem side, an make um real nice!

2 Corint 8:16

But I tell God “Mahalo plenny!” cuz he wen make Titus like go all out fo help you guys, jalike me.

Census 9:20

Some times, da cloud stay ova da Tent ony two-three day. Az how wen Da One In Charge tell um fo make camp, dey make camp. An den wen he tell um fo go, dey start fo go.

Nehemiah 7:5

Den my God make me tink fo do anodda ting. I tell all da alii guys an da govmen guys an all da odda peopo fo come togedda fo dem write down all da ohana name. I wen awready find da ohana book wit da name fo da peopo dat wen come wit da firs ones dat come back from Babylon side, an dis wat stay write inside dea:

Smart Guys 11:5

Da kine peopo dat nobody can poin finga dem, Wateva stuff dey do, dey no need worry Cuz dey erytime do da right ting. Wen da bad kine peopo do bad stuff Watevas dey try do, goin jam dem up.

Jeremiah 42:3

We like fo yoa God, Da One In Charge, tell us wea us guys gotta go, an wat kine stuff we gotta do.”

Isaiah 26:7

Whoeva do da right kine stuff, You make da way dey go not hard. You da God dat do da right kine tings. You make da road easy Fo peopo follow, dat do da right kine stuff.