Smart Guys 3:21 - Hawaii Pidgin Bible

²¹ “Eh my boy! Make shua you try hard an no foget Dat you gotta know how fo handle, An tink firs so you know wat fo do.

Smart Guys 3:21 Referans Kwoze

Joshua 1:8

Read dis Book fo erybody hear um, cuz dat teach you guys my Rules. Tink bout um day time an nite time fo make shua you do eryting dat stay inside da Book. Den eryting you do goin come out real good.

Smart Guys 4:21

Read um plenny time, No stop, make shua nobody stop you, So wat you read stay inside you An you tink bout um all da time.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

John 8:31

Den Jesus tell da Jew guys dat trus him, “If you guys stay tight wit me an da stuff I stay teach you, den you goin be my guys fo real kine, an you guys goin learn mo plenny stuff from me.

Smart Guys 2:7

Wen peopo stay do da right ting, God make um fo dem figga how fo get outa trouble, An dass how he take kea dem. Da peopo dat erytime do stuff da right way, He no let notting hurt dem. He jalike one shield An notting can go thru him.

1 John 2:24

Make shua you guys stick wit wat you guys wen hear from da time you wen start fo trus Christ. If you guys stick wit dat, den you goin stay tight wit God da Faddah an wit his Boy too.

Smart Guys 1:4

Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

Smart Guys 5:2

Az good, you know wen mo betta you no say notting Bout wat you tink, An you talk bout wat you know.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Smart Guys 4:6

No make deaf ear fo learn wat fo do, Cuz bumbye dass wat goin take kea a you. You gotta fo real kine like wat you learn, Fo stay outa trouble.

Smart Guys 19:8

Anybody learn how fo tink good, Fo shua dey goin take good kea dea life, An live long time. Anybody try hard fo undastan wass happening, Eryting goin come good fo dem, fo shua.