Smart Guys 3:12 - Hawaii Pidgin Bible

¹² Cuz anybody dat Da One In Charge love, He goin put presha on dem fo teach dem, Jalike one faddah guy do Wen he get love an aloha fo his boy.”

Smart Guys 3:12 Referans Kwoze

Rules Secon Time 8:5

You guys gotta know, wen you like tell yoa boy fo no do da tings he do wrong fo teach um, az how oua God, Da One In Charge, stay tell you guys too fo teach you.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

Smart Guys 29:17

Wen yoa kids do someting bad, Punish um fo teach um da right ting fo do. Den bumbye, you no need worry bout dem. Den dey goin do all da good kine stuff you wen teach um fo do, Dat goin make you stay real good inside.

Smart Guys 13:24

Da peopo dat no do notting Wen dea kids do someting bad, Dat mean, dey tink da kid no good. Da peopo dat get plenny love an aloha fo dea kids, Dey make shua dey teach um da right way Wen dey still yet small kid.

Songs 103:13

Jalike one faddah guy Show choke plenny aloha fo his kids, Dass how plenny aloha Da One In Charge get Fo da peopo dat get respeck fo him!

Hebrews 12:6

Dass cuz Da One In Charge get love an aloha fo you. He tell you wen you wrong fo help you learn stuff. You know, erybody he pick fo come his kids, He give dem hard time wen he teach um.”

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!