Smart Guys 3:11 - Hawaii Pidgin Bible

¹¹ I tell my boy, “No tink dass wase time Wen Da One In Charge tell you tings fo make you learn! No get wild Wen he presha you fo do da right ting!

Smart Guys 3:11 Referans Kwoze

Job 5:17

“Wen peopo jam up, An God tell um wat was da right ting fo dem do, Dey can stay good inside. Az why, no come huhu wen Da God Dat Get All Da Powa Punish you fo teach you someting!

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

2 Corint 4:1

Az why, cuz God give us guys chance, we get dis job fo tell peopo bout his New Deal. So we no give up.

Hebrews 12:3

So tink plenny bout Jesus! How he wen hang in dea an no give up wen all kine bad stuff from all da bad peopo go agains him. If you guys tink bout Jesus lidat, den you guys no goin get tired an lose fight.

Smart Guys 24:10

If you lose fight Wen get big kine trouble, Fo shua, you not real strong!

Job 4:5

But now da trouble come on you, an you lose fight. Da trouble reach you, an you come bum out.

Rules Secon Time 8:5

You guys gotta know, wen you like tell yoa boy fo no do da tings he do wrong fo teach um, az how oua God, Da One In Charge, stay tell you guys too fo teach you.