Smart Guys 3:1 - Hawaii Pidgin Bible

¹ Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 3:1 Referans Kwoze

Smart Guys 4:5

Go get da smarts fo know wat fo do, An fo undastan stuff. Da tings I tell, no foget um, An no go way from dem.

Songs 119:16

Wen I tink bout da tings You tell me I gotta do fo you, Make me feel real good inside. I no goin foget da tings you tell.

Smart Guys 1:8

Wen I talk to my boy, I tell um, “Eh my boy, Lissen up all da tings I teach you. Same ting, wen yoa muddah teach you someting, No foget wat she tell you.

Songs 119:93

Wat you tell me I gotta do, I no goin foget um bumbye, Cuz wen I do um, You make me stay alive fo real kine.

Songs 119:34

Help me fo undastan da Rules you give, So den fo shua I goin do um.

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Rules Secon Time 8:1

“Make shua fo stick wit eryting I stay tell you guys fo do today, fo you guys stay alive an come plenny peopo, an go inside da land an take um ova, jalike Da One In Charge wen make one strong promise to oua ancesta guys.

Songs 119:153

Try look at all da stuff Dat make me come sore inside, An get me outa trouble. Cuz I no foget da Rules you teach.

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Songs 119:176

Jalike one lost sheep Dat donno wea he going, I wen go da wrong way. So, try come an find me, yoa worka guy, Cuz I no foget da tings You tell me fo do.

Rules Secon Time 4:23

Make shua you guys no foget da deal Da One In Charge wen make wit you. No make any idol kine god dat look jalike someting yoa God, Da One In Charge, tell you guys fo no make.

Smart Guys 31:5

Bumbye wen dey drink, dey foget bout da rules from long time befo, An dey change um so da rules no good fo da peopo dat suffa plenny.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Outa Egypt 20:6

But wen peopo show me love an aloha an do wat I tell um fo do, I stay tight wit dem, an dea kids, an dea grankids fo tousan generation!

Songs 91:16

I goin make him stay good inside cuz he know he goin live long time, He goin see my powa Fo get my peopo outa trouble.”

Songs 119:61

Da bad guys, jalike dey come All aroun me fo tie me up, But I no goin foget da Rules you give.

Smart Guys 2:1

Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Smart Guys 4:2

Cuz I stay teach you guys good kine stuff. So you no foget da rules I tell you.

Smart Guys 16:31

Gray hair, az jalike one nice haku lei fo da head Fo da ol peopo, fo show how awesome dem. Fo get um, Az good you do wass right erytime!

Smart Guys 23:26

Eh my boy, let me teach you how fo tink good! Wen you watch how I stay live, I like you stay real good inside bout wat you see.

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.

Rules Secon Time 5:33

Do eryting da way yoa God, Da One In Charge, tell you fo do um fo you guys live long time an eryting goin go good fo you guys inside da land you goin get.”

Smart Guys 4:21

Read um plenny time, No stop, make shua nobody stop you, So wat you read stay inside you An you tink bout um all da time.

Smart Guys 8:1

Lissen up! Da kine stuff peopo get inside dem Wen dey know wat fo do erytime, Try tink bout um, jalike dass one lady, Da kine Lady Dat Know Wat Fo Do Erytime An dis lady, she make big noise in front erybody fo dem hear. Her da Lady Dat Undastan Stuff, An she talk fo erybody hear.

Smart Guys 9:1

Da kine stuff somebody know wen dey know wat fo do erytime, Try tink bout um like dis, make believe get one lady, An dis lady, she know wat fo do erytime, Erybody call her, Da Lady Dat Know Wat Fo Do Erytime. She tell da builda guys fo make one house fo her An fo cut seven big poses from da stones An put um up in front da house.