Smart Guys 26:4 - Hawaii Pidgin Bible

⁴ Wen one guy talk to you dat tink he no need learn notting, No talk to him da same way he talk to you, Jalike he one stupid head kine guy wit attitude. Cuz den you goin be jalike him!

Smart Guys 26:4 Referans Kwoze

Smart Guys 26:5

Wen one guy talk to you dat tink he no need learn notting, Good you talk to him Jalike he one stupid head kine guy wit attitude. Den he no goin tink he da kine guy Dat know wat fo do erytime!

1 Peter 3:9

If somebody do bad kine tings to you, no do bad kine tings back. If somebody talk any kine to you, no talk back any kine. But aks God fo do good kine stuff fo da guy. Dass why God wen tell you guys fo come be his guys fo him do good kine stuff fo you guys.

1 Kings 12:14

He talk to dem da way da young guys wen tell um fo talk. He tell, “My faddah wen put jalike one heavy yoke, da kine dey use fo da cow, on top you guys fo make you bus ass. Me, I goin make da yoke mo heavy den dat! My faddah wen whip you guys wit one regula kine whip, an I goin whip you guys wit scorpions!”

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

1 Kings 12:16

Wen all da Israel peopo see dat King Rehoboam no stay lissen dem, dey talk back to him. Dey tell um, “Eh! You king guys from da David ohana, You worth notting to us! Us no get notting from da Jesse ohana! Us Israel guys, we goin get outa hea! You David ohana guys Take kea yoa peopo, No bodda us!” So da Israel guys go home.

Jude 1:9

Neva was lidat wit Michael, da main angel guy wen he wen fight wit Satan bout Moses body afta Moses mahke. But no way Michael poin finga Satan an talk harsh kine to him. He ony tell Satan, “I like Da One In Charge tell you, ‘No good wat you stay do!’ ”

Isaiah 36:21

But da three guys stay no tell da Assyria guy notting cuz King Hezekiah wen tell dem befo time, “Ony lissen an no talk back to him.”

Matthew 7:6

“No give stuff dat stay spesho fo God to da guys dat goin talk bad bout um an goin wase um. Cuz dey jalike da dogs dat goin turn aroun fo attack you guys. An dey jalike da wild pigs—if you give um fancy kine jewelry dat worth plenny, dey ony goin walk all ova on top um. Den dey goin turn aroun an wase you guys.

Smart Guys 23:9

No say notting To da kine guy dat tink he too smart But yet he not too smart, Cuz you know wat fo do erytime. But you talk to him lidat, He goin ack jalike wat you tell no mean notting.

Smart Guys 29:9

Wen one guy dat know wat fo do erytime Take one kine guy wit attitude dat tink he know mo den him In front da judge, Da guy wit attitude ony goin talk bad kine an laugh An no can shut um up.