Smart Guys 26:12 - Hawaii Pidgin Bible

¹² Mo easy, fo teach one dumb buggah Dat no like learn notting, Den fo teach one guy Dat tink he know wat fo do erytime, But yet he donno.

Smart Guys 26:12 Referans Kwoze

Smart Guys 29:20

Wen get one guy dat talk befo he tink, Goin be mo hard fo teach dat guy fo tink befo he talk, Den fo teach one stupid guy fo know wat fo do erytime,

Rome 12:16

Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.

Smart Guys 28:11

Get rich guys dat tink dey da one Dat know wat fo do erytime But one guy dat no mo notting, He undastan plenny, He da one can figga if da rich guy fo real o not.

Jesus Show 3:17

You guys tink, “Me, I stay rich. I get plenny, an no need notting!” Horraz! You guys donno still yet dat you all jam up! You guys no mo face, no mo money, no mo clotheses, an no can see!’

Matthew 21:31

How you guys figga? Wat boy wen do wat da faddah like?” Dey tell him, “Da firs boy, fo shua.” Jesus tell, “Dass right! I tell you guys, da guys dat colleck tax money fo da govmen, an da wahines dat fool aroun fo money, dey goin get God fo dea king befo you guys get um.

Smart Guys 26:5

Wen one guy talk to you dat tink he no need learn notting, Good you talk to him Jalike he one stupid head kine guy wit attitude. Den he no goin tink he da kine guy Dat know wat fo do erytime!

Luke 18:11

Da Pharisee guy stan up an pray ony fo him lidis, ‘God, mahalo plenny dat I no stay jalike da odda guys, da guys dat steal, no do da right ting, fool aroun da odda guy wife, an even jalike dis guy hea dat colleck tax money.

Luke 7:44

Den Jesus turn aroun to da wahine, an tell Simon, “You see dis wahine? I wen come inside yoa house, an you neva give me watta fo wash my feet. But she wash um wit her tears an wipe um wit her hair.

Smart Guys 26:16

One lazy buggah tink he know mo betta Wat fo do erytime, Den seven guys Dat can tell you how come dey do Wat dey stay do.

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

John 9:41

Jesus tell um, “If you guys no can see, den nobody can poin finga you guys. But you guys tell dat you guys can see, but you no can see fo real kine. Dass why God poin finga you guys.”

Smart Guys 12:15

Da stupid head kine peopo wit attitude, Wateva dey do, dey tink az right. But da peopo dat lissen wen peopo try help dem, Dey da kine peopo dat know wat fo do fo real kine.

Smart Guys 28:26

Whoeva tink da way dey tink is right erytime, Dey tink dey know eryting but dey donno. But whoeva know wat fo do erytime, An live lidat, Dey no goin get hurt.

Isaiah 5:21

“Bummahs! fo da guys dat tink dey know eryting erytime, An tink dey smart fo undastan eryting.