Smart Guys 26:10 - Hawaii Pidgin Bible

¹⁰ Anybody dat hire one dumb buggah Dat no like learn notting, O jus hire anybody, He jalike one guy wit one bow an arrow Dat shoot plenny arrow fo hit anybody An he hit um.

Smart Guys 26:10 Referans Kwoze

Rome 2:6

Da way peopo ack, God goin pay erybody fo wat dey wen do, good o bad.

Smart Guys 11:31

Fo shua, da peopo dat erytime do da right ting, God goin make good to dem fo dat Even befo dey mahke. You can stay shua even mo plenny, dat God goin pay back Da bad kine peopo dat stay do bad kine stuff.

Smart Guys 26:9

Wen one dumb buggah Dat tink he no need learn notting Try fo tell importan kine stuff Fo make odda peopo tink plenny, Fo shua he goin hurt somebody, Jalike wen one piloot guy Get one kiawe plant wit plenny thorn Fo wack somebody.

Smart Guys 26:11

Wen one guy dat no like learn notting Stay do da same stupid kine stuff Ova an ova, an get attitude, He stay ack jalike one dog dat bahf, Den layta, he come back an eat wat he wen bahf.