Smart Guys 26:1 - Hawaii Pidgin Bible

¹ If you show respeck fo one dumb buggah Dat tink he no need learn notting, Make eryting stay hamajang. Az jalike wen get snow summa time, O get plenny rain wen time fo harves da food.

Smart Guys 26:1 Referans Kwoze

Smart Guys 19:10

No good fo one stupid guy Dat tink he no need learn notting, Get real plenny nice kine stuffs! Stay mo worse, Wen one slave guy Stay tell all da leada guys how dey gotta make!

Smart Guys 28:16

Wen get one leada guy dat no can tink, He ony like put presha Fo peopo give him stuff. But da leada guys dat no take Unda da table kine money, Dey goin live long time.

Songs 12:8

Cuz you know, weneva da peopo make tantaran, An ack jalike all da pilau kine stuff good fo do, Den da no good kine guys No shame go all ova da place.

Smart Guys 26:8

Wen you tell odda peopo Bout one dumb buggah Dat tink he no need learn notting, An you tell um dat da guy importan, Az jalike you tie one rock inside one sling, An den wen you ready fo throw um, Da rock no can fly cuz stay stuck.

Smart Guys 17:7

If one stupid guy talk real nice, Dat no make sense fo him! If one alii guy talk bulaia kine, Az mo worse still yet!

Songs 52:1

Eh, you tough guy! How come you talk big Wen you do bad kine stuff?! (But God stay tight wit me All da time.)

Songs 15:4

Dey tink az bad Wen peopo do stuff dat God tell no good. Dey get respeck Fo da peopo dat stay sked a Da One In Charge. Dey stick erytime Wit wat dey wen promise in front God, No matta someting bad happen to dem cuz a dat.

Esther 4:9

Hatak go back tell Esther eryting Mordecai wen tell.

Esther 4:6

So Hatak go out by Mordecai wea he stay in da open place inside da town in front da king gate, an aks him.

Local Leadas 9:20

But if az not how, den I like da fire come out from Abimelek an burn you leada guys up, an fire come out from you leada guys from Shekem an Bet-Millo an burn up Abimelek!”

Local Leadas 9:7

Somebody tell Jotam bout dat. So den he go up on top Mount Gerazim an yell to dem, “Lissen me, you Shekem men guys! Fo God lissen you guys bumbye!

Smart Guys 26:3

Fo make da horse go, You need one whip. Fo make da donkey carry stuff, You need one strap aroun da head an nose. But fo make da dumb buggahs do someting, Da ones dat tink dey no need learn notting, Gotta wack dea back wit one stick fo make um move!