Smart Guys 24:1 - Hawaii Pidgin Bible

¹ No tink you like get wat da bad guys get. No like fo hang out wit dem.

Smart Guys 24:1 Referans Kwoze

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Smart Guys 3:31

No good you tink, ‘I like come jalike da guys dat like bus up erybody!’ No make jalike dem, az not da right way.

Smart Guys 23:17

No look wat da bad kine guys do, An make jalike you like do Wateva dey stay do. Mo betta, go all out all da time Fo show plenny respeck fo Da One In Charge.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Songs 37:1

Da guys dat do bad kine stuff, No let dem make you come huhu. An no go tink “I like be Jalike dem guys Dat stay do wass wrong.”

Smart Guys 24:19

No make so you come all bum out Bout da peopo dat stay do bad kine stuff. No come jealous Jus cuz da bad kine peopo get stuff dat you no moa.

Songs 26:9

Wen you go afta da peopo dat do bad kine stuff, No take away my life, same time. Wen you go afta da killa guys, Make shua I no mahke!

Songs 1:1

Da peopo stay good inside Wen dey live lidis: Dey no lissen da guys dat broke Da Rules from God, Wen dose guys tell um wass good fo do. An dey no hang out wit da peopo Dat do bad tings, An dey no sit down fo talk story Wit da guys Dat ack jalike dey mo betta Den erybody!

Smart Guys 4:14

No even try fo live da same way Jalike da kine peopo do dat da judge goin punish. No stay go da same way da bad kine peopo go.

Smart Guys 4:15

Foget um awready, no go dea. Go way from dat kine stuff, An go da odda side.