Smart Guys 23:4 - Hawaii Pidgin Bible

⁴ No go work hard fo come rich! Be smart an take um easy.

Smart Guys 23:4 Referans Kwoze

Hebrews 13:5

Try live so you no mo plenny love fo money. Stay good inside bout da stuff you get awready. Cuz God da One tell, “No way I eva goin leave you! No way I goin bag from you!”

Smart Guys 28:20

Da kine guy you can trus erytime, God goin do plenny good tings fo him. But da kine guy dat try hard fo come rich fas, God goin punish him.

Matthew 6:19

“No work hard fo stash da kine stuffs dass importan ova hea inside dis world, cuz da moth an da rus goin eat um up, an da steala guys goin broke inside yoa house an take um.

Smart Guys 3:5

“No tink if you know eryting, dass all you need. Mo betta if you go all out fo trus Da One In Charge.

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

Rome 12:16

Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.

Smart Guys 15:27

Da guys dat go all out fo make money, Dey make pilikia fo dea ohana. Da guys dat no touch Da unda da table kine money, Nobody goin try kill dem.

Smart Guys 26:12

Mo easy, fo teach one dumb buggah Dat no like learn notting, Den fo teach one guy Dat tink he know wat fo do erytime, But yet he donno.

Isaiah 5:21

“Bummahs! fo da guys dat tink dey know eryting erytime, An tink dey smart fo undastan eryting.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Mark 4:19

but bumbye da guy all bodda bout all da stuffs he need hea inside dis world. He like come rich, an all dat throw him off. Az why all dat stuff choke out all da tings God tell dat was inside him. He no can do da right tings. He jalike one wheat plant dat no can give wheat, cuz stay growing inside da kine bushes wit thorns.

Job 27:19

Da bad guys get plenny rich kine stuffs wen dey go sleep. But wen dey wake up, eryting gone!

Smart Guys 27:24

No matta you get plenny rich kine stuffs, All dat no goin stay foeva. Even if you one king, You no can be shua Yoa line goin stay king foeva.

Teacha 5:13

I wen see someting real bad unda da sun, Somebody pile up plenny stuffs dey get ony fo dem, But dat ony hurt um bumbye.

Jeremiah 9:22

So tell um, “Dis, da message from Da One In Charge: Da mahke bodies all ova da place, Jalike rubbish all ova da country side. Da mahke bodies jalike wheat dat some guy wen harves, But no mo nobody dea fo pick um up fo bury um.”