Smart Guys 22:5 - Hawaii Pidgin Bible

⁵ Ery place da crooked kine guy go, Jalike get thorn bush an trap all ova da place Fo stop him. But da kine guy dat take good kea his life, He no goin go dat way.

Smart Guys 22:5 Referans Kwoze

Smart Guys 15:19

Da lazy buggah, eryting he do, Jalike get keawe thorn. Da guy dat do da right ting all da time, Eryting he do, stay easy.

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

Smart Guys 16:17

Da peopo dat stay do wass right, Dey no do bad kine stuff. Jalike dey walk on top one road An go aroun so dey no go by one bad place. Whoeva stay watch how he live He take good kea his life.

Smart Guys 19:16

Whoeva make shua dey do wat da Rules from God tell, Same time, dey goin take kea dea life too. Somebody no kea how dey ack, Dey goin get cut off from God foeva.

Smart Guys 13:15

Wen you akamai an you can tink strait, Erybody like dat. But da kine guys you no can trus, Dey goin be lidat all da time.

Job 18:8

Az jalike one net catch dea feets. Jalike dey walk wea get branches ova one hole.

Smart Guys 13:3

Da peopo dat watch how dey talk, Dey stay alive long time cuz a dat. Da peopo dat no kea how dey talk, Dey come wipe out cuz a dea big mout.

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Joshua 23:13

den fo shua yoa God, Da One In Charge, no goin take away dea property from dose nations, in front you guys. Dey goin come one trap fo you guys. Dey goin whip yoa sides, an poke thorns inside yoa eyes, till you guys come wipe out inside dis good land dat yoa God, Da One In Charge, wen give you guys.

Smart Guys 22:4

Wen you make um so you come jalike you notting, An you feel jalike you sked Wen you come in front Da One In Charge, Den you goin get plenny stuffs, An peopo goin show you respeck, An you goin live long time.

Smart Guys 29:6

Wen da bad kine peopo go agains God, Wat dey do, goin catch dem jalike one trap. But da peopo dat stay do wass right, Dey no need worry. Dey can dance an sing cuz dey feel good inside.

Smart Guys 4:19

Fo da peopo dat stay do bad kine stuff, Da way dey go, jalike stay real dark yet. Dey donno wat make dem fall down.