Smart Guys 21:9 - Hawaii Pidgin Bible

⁹ Mo betta you live outside On top one corna a yoa flat roof, Den fo try live inside da house Wit one wife dat grumble bout eryting.

Smart Guys 21:9 Referans Kwoze

Smart Guys 19:13

Wen get one stupid kid Dat figga he no need learn notting, Da faddah suffa plenny. Wen da wife like beef bout eryting, Az jalike one puka roof dat stay leak all da time.

Smart Guys 25:24

Mo betta you live In one corna on top yoa flat roof, Den fo try live inside da same house Wit one wife dat grumble bout eryting.

Smart Guys 21:19

Mo betta you live ony you inside da boonies, Den live wit one wife dat grumble bout eryting An make you stay sad inside.

Smart Guys 12:4

Da good kine wahine dat stay strong inside, She make her husban look good Jalike he one king. But da kine wahine dat make him come shame, Make him lose fight, jalike cancer inside da bone.

Smart Guys 15:17

Az mo betta you ony get litto bit vejable fo eat, An da place get plenny love an aloha, Den if you get one big luau wit plenny meat, An erybody hate each odda!

Smart Guys 17:1

If no mo noise in da house, an no mo worry, Den no matta if ony get litto bit dry up bread fo eat. Az mo betta den get one big luau An erybody stay poin finga da odda guys.

Smart Guys 21:8

Da crooks, Da way dey do tings all hamajang. Da peopo dat stay do wass right, Eryting dey do stay good.

Smart Guys 21:10

Da bad kine peopo, dey feel real good inside Wen dey do bad kine stuff. Dey no even give chance to odda peopo.