Smart Guys 21:8 - Hawaii Pidgin Bible

⁸ Da crooks, Da way dey do tings all hamajang. Da peopo dat stay do wass right, Eryting dey do stay good.

Smart Guys 21:8 Referans Kwoze

Smart Guys 2:15

Da way dey do tings, dey ony do crooked kine stuff. Dey stay go da wrong way erytime.

1 John 3:3

Erybody dat know dat, an stay trus Christ, an wait fo him, dey goin come clean inside, jalike Christ stay clean inside.

1 John 2:29

You guys know dat God Spesho Guy erytime do da right ting. Dass how you guys know dat erybody dat do da right ting, dey God kids.

Titus 3:5

God get us outa da bad kine stuff, but he neva do dat jus cuz us wen do good kine stuff. He do um cuz he like give us chance. He give us guys his Good An Spesho Spirit, dat clean us up an make us jalike come new inside. Az jalike us born one mo time.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

Titus 1:15

Da peopo dat no mo bad kine stuff inside, fo dem eryting good da way dey see um. But da peopo dat stay pilau inside an no trus God, eryting stay pilau da way dey see um. Mo worse, even da way dey tink stay all pilau, an dey no shame fo do bad kine stuff.

1 Corint 3:3

Cuz you guys tink jalike da peopo dat ony ack how dey like, dass why. Wen somebody do someting mo betta den you, you get mad, an you like make argue wit each odda an bus up each odda! Kay den, wateva yoa body feel, dass how you guys tink an ack! You guys ony ack jalike all da peopo inside dis world.

Jesus Guys 15:9

God see dem same same jalike he see us. He make dem clean inside cuz dey trus him.

Matthew 12:33

“You gotta tink lidis: Wen da tree good, den da fruit good. Wen da tree junk, den da fruit junk. Cuz da fruit goin show if da tree stay good o junk.

Matthew 5:8

“Da peopo dat go all out fo God inside, Dey can stay good inside Cuz dey goin see God.

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Teacha 9:3

Dis wat stay bad fo erybody unda da sun: Same ting happen fo erybody! Inside, peopo get fill up wit bad kine stuff, an dey ack stupid all da time dey alive. An afta dat, dey all mahke.

Teacha 7:29

Da ony ting I wen figga out, az dis: God make peopo fo do wass right, But dey look fo all kine scam.”

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

Smart Guys 15:26

Wat da bad guys tink fo do, Fo Da One In Charge, dass no good! But wat da nice guys tell, Fo Da One In Charge, dass all good.

Start 6:12

God see dat eryting in da world come poho. Da way dey live, all da peopo ack pilau.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Smart Guys 21:9

Mo betta you live outside On top one corna a yoa flat roof, Den fo try live inside da house Wit one wife dat grumble bout eryting.

Isaiah 26:7

Whoeva do da right kine stuff, You make da way dey go not hard. You da God dat do da right kine tings. You make da road easy Fo peopo follow, dat do da right kine stuff.

Isaiah 59:8

Dey donno how fo live wit aloha an no fight. Da way dey go, dey no mo judge Fo show um wass right. Dey pick da mos crooked way fo live. Anybody live dea way, Dey no goin find out how fo live wit aloha.