Smart Guys 21:6 - Hawaii Pidgin Bible

⁶ Anybody bulai odda peopo Fo get plenny stuffs— Da stuffs dey get, Going all blow way jalike da mist, Jalike dey stay try fo mahke.

Smart Guys 21:6 Referans Kwoze

Smart Guys 13:11

Wen you no do notting fo da stuff you get, Bumbye no moa. Da kine guy dat work fo get stuff, Bumbye he goin get plenny.

Smart Guys 10:2

Wase time, wen you do any kine bad stuff Fo get stuff dat cost plenny. But if you stay do da right ting, Den you goin live long time an no get cut off from God foeva.

Smart Guys 20:21

An if dey get plenny property too quick Cuz dea faddah o muddah guy wen mahke, Bumbye all da stuff dey get No goin make tings come good fo dem.

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

Smart Guys 30:8

Firs, no let me do wase time kine stuff O bulai odda peopo. Nex, no let me come pooa so I no mo notting, An no give me mo stuff den I need. Jus make me feel good wit enuff food an tings fo wat I need.

Smart Guys 22:8

Anybody do bad kine stuff, Dey goin get plenny trouble cuz a dat, Jalike somebody throw bad kine seed An bumbye, dey gotta eat da kine food dat come from dat. Da ones dat do bad kine stuff come huhu An like wack erybody, Still yet, dey no goin get notting.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

Smart Guys 20:14

Wen one guy like buy someting, He tell da guy dat sell um, “Junk, dis!” Den afta he buy da stuff an go way from dea, He go talk big bout da deal he wen make.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!