Smart Guys 21:3 - Hawaii Pidgin Bible

³ Wen us guys stay do wass right An judge da right way, Da One In Charge tink az mo betta Den jus fo make one sacrifice.

Smart Guys 21:3 Referans Kwoze

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Mark 12:33

Us guys gotta go all out fo show love an aloha fo him wit eryting inside us, wit how we tink, an wit all oua powa. An we gotta go all out fo show love an aloha fo odda guys jalike we get love an aloha fo us. Dass mo importan den make da burn up kine offering an da odda sacrifices.”

Songs 50:8

But wen I tell you guys you do wrong, I no talk bout da sacrifices you make. You guys kill animals fo me An burn um up on top da altar All da time.

Songs 40:7

Den I tell, “Dass it! I stay ready!” I like do wat you wen write Inside yoa roll up book Bout wat you like me fo do.

Zekariah 7:9

“Dis wat Da One In Charge, Da God Ova All Da Armies, tell: Judge fair kine fo peopo trus you! Stay tight wit each odda, an show love an pity fo each odda!