Smart Guys 21:2 - Hawaii Pidgin Bible

² Peopo tink wateva dey do, stay right. But Da One In Charge, he da One know wat dey tink.

Smart Guys 21:2 Referans Kwoze

Smart Guys 16:2

Erybody tink notting wrong Wit da way dey live. But Da One In Charge, he know eryting inside peopo, How come dey tink how dey tink, An he know if good o bad.

Smart Guys 16:25

Get some way dat look jalike az da right way fo all dem go, But bumbye dey goin end up inside da Mahke Peopo Place.

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”

Smart Guys 24:12

An if you make Like you neva know notting, Fo shua, Da One In Charge know How you stay inside. An he goin know How come you neva do someting, O if you neva know fo real kine. An da same way erybody make, Az how Da One In Charge goin pay um back.

James 1:22

An no ony lissen da tings God tell. You guys gotta do um! Cuz if you ony lissen an no do notting, you ony stay bulai you.

Songs 36:2

Wen dey tink lidat, dey tink dey big. Az how come, wen dey do bad tings, Dey no tell dat dey bad, An no bodda dem dat dey do Da bad kine stuff dey stay do.

Galatia 6:3

If one guy tink he big wen he not big, dat guy, he ony bulai him.

Smart Guys 20:6

Plenny peopo can tell you Dat dey yoa fren. But wen you try fo find somebody Dat you can trus all da time, No mo plenny peopo lidat.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Smart Guys 12:15

Da stupid head kine peopo wit attitude, Wateva dey do, dey tink az right. But da peopo dat lissen wen peopo try help dem, Dey da kine peopo dat know wat fo do fo real kine.

Job 31:6

Den let God weigh me wit da kine scales Dat show if I tell da trut, o I bulai. He goin know dat I no mo da blame fo make lidat.

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.

Daniel 5:27

“ ‘tekel’ mean dat jalike God weigh you on one weight scale an find out you no weigh enuff.