Smart Guys 21:12 - Hawaii Pidgin Bible

¹² Da One dat do da right ting erytime, He undastan wat stay happen inside all da bad guys ohanas. Az how he jam up wat da bad peopo try fo do.

Smart Guys 21:12 Referans Kwoze

Smart Guys 14:11

Da place wea da bad kine peopo ohana stay, Goin come wipe out. Da peopo dat do da right ting, Any place dey stay, dey goin come okay.

1 Corint 10:5

But God neva like how plenny peopo wen ack. Az why dey wen mahke, an dea bodies dey wen bury all ova da diffren places wea dey wen go.

Amos 4:11

Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Songs 107:43

Da peopo dat know wat fo do erytime Good dey stay do all dis stuff, An tink plenny bout how God stay tight wit his peopo!

Songs 52:5

But God, he goin smash you So you stay bus up all da time. He goin grab you An drag you outa yoa tent, Fo throw you In da Mahke Peopo Place, Jalike he pull out one plant Wit da roots fo kill um. (Time out fo da music.)

Job 8:15

Da peopo dat no tink bout God lean on top da stuff dey get, But jalike da spida web, no hold dem up. Dey try fo make um solid, but no can.

Job 5:3

I wen see one guy dat do bad kine stuff an no bodda him. Da guy look jalike he get plenny stuff jalike one tree wit one good root. But right den an dea I put kahuna on top da house wea he live:

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Smart Guys 13:6

Wen get peopo do da right ting, Dey make shua fo do stuff da right way all da time. Wen get bad kine peopo, Dey all jam up, cuz dey do bad kine stuff.

Start 19:29

Dass wat wen happen da time God wipe out da towns all ova da Siddim Valley. But God no foget da ting Abraham wen aks um fo do, an he get Lot ohana outa dea befo he wack da towns, da place wea Lot wen live.

Smart Guys 29:16

Wen da crooked kine peopo get powa, Get mo plenny bad kine stuff happen. But wen get peopo dat do wass right, Dey goin see dose bad guys come wipe out.