Smart Guys 21:11 - Hawaii Pidgin Bible

¹¹ Wen you punish da guys Dat no mo respeck fo nobody Cuz dey tink dey mo smart, Den, da guys dat donno notting an easy fo bulai Dey goin start fo learn wat fo do erytime. But da guys dat know wat fo do erytime, Easy fo dem learn plenny If you help um fo undastan.

Smart Guys 21:11 Referans Kwoze

Smart Guys 19:25

Punish da buggahs dat no mo respeck fo nobody Cuz dey tink dey smart. An den, da odda guys dat donno notting an easy fo bulai dem, Dey goin come mo akamai An learn how fo tink strait. An if you tell da kine guy dat undastan stuff, Dat he wen do someting wrong, Dat guy goin learn someting.

Smart Guys 18:15

Da peopo dat undastan good, Easy fo dem learn stuff. An da peopo dat know wat fo do erytime, Dey still try fo lissen new kine stuff fo learn.

Smart Guys 9:9

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

Jesus Guys 5:5

Wen Ananias hear dat, he fall down mahke. An erybody dat hear bout um come real sked.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Smart Guys 15:14

Da peopo dat undastan good, Dey go all out fo learn stuff. Da stupid head kine peopo wit attitude Dey ony like learn stupid kine stuff.

Smart Guys 1:5

Da smart peopo dat know awready wat fo do, Dey goin lissen up mo an moa, An erytime dey goin undastan even mo betta. Da peopo dat lissen good, Dey goin find out wat dey gotta do.

Rules Secon Time 21:21

Den all da guys from da town he come from goin throw stone at him an kill him. You guys gotta throw out all da real bad kine stuff from you guys. Den all da Israel peopo goin hear bout dat an come sked.

Rules Secon Time 13:11

Den all da Israel peopo goin hear bout um an come sked, an nobody from you guys goin do dat kine bad ting one mo time.

Census 16:34

Wen da Korah guys yell, all da Israel peopo aroun dem run away an yell, “Da earth goin swallow us guys too!”

Smart Guys 9:7

(You know, anybody dat talk To da kine big head guys Dat ony talk bad bout erybody, An tell um, “Eh, no good wat you stay do!” Da bad guys ony goin make shame Fo da guy dat talk to dem lidat. Anybody dat tell one guy dat no stay do da right ting, “Eh, you not suppose to do dat!” Da guy dat tell um dat, Ony goin get bus up.