Smart Guys 21:10 - Hawaii Pidgin Bible

¹⁰ Da bad kine peopo, dey feel real good inside Wen dey do bad kine stuff. Dey no even give chance to odda peopo.

Smart Guys 21:10 Referans Kwoze

1 John 2:16

You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

Smart Guys 3:29

Wen get one guy dat stay trus you Cuz he live same place nea you, No make one plan fo do bad kine stuff to da guy.

James 2:13

Da guy dat make jalike one judge fo da odda peopo, an no give um chance, dat guy no goin get chance wen he stan in front God da Judge. But wen you give da odda guy chance, den no need fo God judge you, an dass mo betta.

1 Corint 10:6

All dat stuff wen happen fo show us guys dat we not suppose to go all out fo do da bad kine stuff, jalike all da peopo dat time.

Smart Guys 21:13

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!

Smart Guys 12:12

Da bad kine peopo steal stuff, An odda bad kine peopo steal um from dem. But da good kine peopo make plenny stuff Jalike da root dat make da plant come big.

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Songs 112:5

Wen somebody do good tings fo peopo An lend stuff to dem, Good tings goin happen fo dat guy. He no goin bulai nobody Jus fo make money.

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Smart Guys 2:14

Wen dey do someting bad, Dey feel all good inside. Wen dey make eryting kapakahi, Same ting dey feel good.

Smart Guys 14:21

Wen peopo no mo respeck fo da odda guy, Az wrong, But wen you kokua peopo dat no mo notting, You can stay good inside!

Smart Guys 21:9

Mo betta you live outside On top one corna a yoa flat roof, Den fo try live inside da house Wit one wife dat grumble bout eryting.