Smart Guys 21:1 - Hawaii Pidgin Bible

¹ Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Smart Guys 21:1 Referans Kwoze

Smart Guys 16:9

Peopo make plan Fo how dey goin live. But Da One In Charge, he da One Make da real plan, wat dey goin do.

Smart Guys 20:24

Da One In Charge, Az da One give erybody Da kine life dey goin live. But fo shua, nobody know How dey goin get dea.

Ezra 6:22

Fo seven day dey all make da spesho kine ceremony fo Da Bread Dat No Mo Yeast Inside, an dey feel real good inside cuz a dat. Da One In Charge make um feel good inside, cuz he wen make da Assyria king like help da Israel peopo. Az why da king help um fo build da House Fo Da God Fo Da Israel Peopo one mo time.

Jesus Guys 7:10

God take him outa all da trouble he stay in. He make him know wat fo do erytime, an help him. Da king fo Egypt, da Pharaoh guy, he figga Joseph one good guy. So Pharaoh make him da leada fo da Egypt land an all his palace.

Smart Guys 16:1

Peopo, dey make dea plan howeva dey tink, But da right words come from Da One In Charge.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Songs 105:25

Den Da One In Charge Make da Egypt peopo change dea mind Fo hate da Israel peopo Dat spesho fo him. Dey make sly kine plan fo jam up Da ones dat get God fo dea boss.

Nehemiah 2:4

Da King tell, “Wat you like me fo do?” I wen pray inside to da God Dat Stay Inside Da Sky.

Nehemiah 1:11

Eh! You my boss, so I stay praying hard fo you fo lissen good. Get odda peopo, you da boss fo dem too, an dey stay good inside cuz dey know wat kine god you, no matta dey sked wen dey in front you. Dey stay tell you da same ting. So I like you make eryting come good fo me today. Cuz I goin aks da King fo do someting real good fo me. Az why I stay aks you, God, fo make him lissen wat I get fo tell.” Dat time, I was da guy in charge a da wine da king goin drink.

Songs 74:15

Was you wen open up da pukas Fo watta come outa da groun An split da valleys fo da streams. Was you wen dry up da rivas Dat get watta all da time.

Isaiah 44:27

I da One tell da deep ocean, ‘Come dry! I goin make yoa channels all dry.’

Songs 93:4

But you, Da One In Charge, You mo awesome an importan Still yet! Mo awesome den da noise From da big watta, Mo awesome den da surf Inside da ocean!

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.

Jesus Show 16:4

Da numba three angel guy pour out da stuff from his bowl on top all da rivas an pukas wea watta come out, an dey come blood too.

Songs 114:5

Eh! So, you, Red Sea, tell me dis: How come you so sked, You wen run away?! Eh you! Jordan Riva, tell me dis: How come you so sked, You wen turn aroun?!

Songs 114:3

Was jalike da Red Sea wen see dem Coming, an run away! Jalike da watta inside da Jordan Riva Wen turn roun An go back mauka side!

Jeremiah 39:12

“Take him an take good kea him. No hurt him, but do fo him wateva he tell wat he like you fo do.”

Outa Egypt 7:3

But firs I goin make da Pharaoh guy come hard head. Even me, I goin do plenny awesome tings fo erybody see hea inside da Egypt land.

2 Kings 19:33

He goin go back da same way he wen come. He no goin go inside dis big town. Az wat me, Da One In Charge, tell.

Ezra 1:1

Befo time, Da One In Charge Inside Da Sky wen tell da guy Jeremiah dat talk fo him fo tell da Israel peopo, “I make dis promise: Bumbye da Babylon peopo goin take you guys away, but I goin bring you back one mo time to yoa land.” Long time afta dat, da firs year dat Cyrus come king fo da Persia peopo, he write one letta an sen um to all da place wea he da king. Da letta tell dis:

Ezra 1:2

“Dis me King Cyrus, da king fo da Persia land. Da One In Charge, da God dat live inside da sky, he wen tell me fo take ova all da odda king guys inside da world. He give me da job fo build one temple fo him, inside Jerusalem town, inside da Judah land.

Nehemiah 2:8

An I need one letta fo Asaf, da guy dat take kea da park wit plenny trees ova dea fo da King, fo him give me da wood fo make da beams ova da gates fo da towa, an fo da wall aroun da town, an fo da house wea I goin stay.’ ” Da King give me wat I aks him fo, cuz God put his good hand on top me an help me.

Esther 2:17

Da king like Esther mo den all da odda wahines. He tink her da bestes an he like do nice tings fo her. So he put da queen crown on top her head an make her da queen, cuz Vashti not da queen no moa.