Smart Guys 20:2 - Hawaii Pidgin Bible

² Wen da king get mad, You betta come sked, Jalike you sked wen da lion make big noise! You make da king o da lion mad, You goin mahke!

Smart Guys 20:2 Referans Kwoze

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Teacha 10:4

If one leada guy come huhu wit you, No good you bag from yoa kuleana. No quit! One cool head can cool down da odda guy, Even wen dey jam up big time.

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

1 Kings 2:23

Den King Solomon make one strong promise to Da One In Charge. He tell, “If I no go do wat I tell now, I like God kill me, o do mo worse tings! Dis Adonijah guy goin mahke, cuz he tell you fo come tell me dat!

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Habakkuk 2:10

You wen make one plan dat goin make shame fo yoa ohana. You plan fo wipe out plenny peopos, But you ony goin jam up yoa life!

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Census 16:38

Pick up da fire pans dat da guys use dat wen do bad kine stuff, an dey mahke cuz a dat. Pound da pans wit hammas fo make big metal sheets fo cova da outside a da altar wit um. Cuz dose guys wen use da fire pans wen dey come in front me, Da One In Charge. Dass why da fire pans come spesho fo me. So put da metal from um on da outside a da altar, fo stay jalike one sign fo da Israel peopo.”

1 Kings 2:24

Fo shua Da One In Charge stay alive, an he da One make me strong, an make me sit down on top da same throne jalike my faddah David. An I stay shua dat he wen make me one promise dat da Kings fo da Israel peopo goin come from my blood. An cuz I stay shua bout all dat, I know, Adonijah goin mahke today!”