Smart Guys 20:1 - Hawaii Pidgin Bible

¹ You drink too much wine, You goin come da kine guy Dat no mo respeck fo nobody Cuz you tink you so smart. You drink too much beer, You goin make plenny noise. Anybody let da booze make um go da wrong way, Dey not da kine peopo dat know wat dey stay do.

Smart Guys 20:1 Referans Kwoze

Hosea 4:11

wit odda gods. “Dey drink da ol wine an da new wine. Az why my peopo no undastan notting. My peopo aks da idol kine gods dey make from wood Bout wass good fo dem do! Dey tink one stick can tell um Wat goin happen bumbye! Inside, dey ony like fool aroun wit odda gods. Dat make um no lissen me, dea God fo real kine.

Efesus 5:18

No get piloot cuz den you goin go wild an make shame. But let God Spirit take charge a you.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Smart Guys 31:4

“No good, Lemuel, no good fo king guys wen dey go drink wine. No good, wen da govmen leada guys go drink up da beer.

1 Corint 6:10

da steala guys, da greedy guys dat like hog eryting ony fo dem, da piloot guys, da peopo dat talk any kine to anodda guy face, da peopo dat con da odda guy—fo all dese kine peopo, no way dey goin get God fo dea king!

Galatia 5:21

Dey like get da odda guy stuffs. Dey erytime party up an get piloot, an do all dat pilau kine stuff. I stay tell you guys, jalike I wen tell you befo time, da peopo dat make lidat, dey no goin get God fo be dea King.

2 Samuel 11:13

David tell him fo come eat an drink wit him, an he make Uriah come piloot. But wen litto mo ready fo come dark, Uriah go out fo sleep in da palace sleeping room wit his boss worka guys. He still neva go home.

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Isaiah 5:22

“Bummahs! fo da guys dat erytime like drink wine, An da real smart guys fo mix da booze.

Hosea 7:5

“Wen oua king make one holiday party, An da prince guys come hot wit wine, Den dey make deals Wit guys dat ack jalike da prince guys junk.

2 Samuel 13:28

At da party, Absalom tell his guys, “Watch Amnon! Wen he get piloot from da wine, I goin tell you guys wack um! Kill um! No sked! I da one wen tell you guys fo do dis. Come strong, jalike you army guys!”

Prieses 10:9

“You an yoa boys no can drink wine o beer kine stuff weneva you guys go inside da Tent Wea Da Peopo Come Fo Meet Me, Da One In Charge, o you goin mahke. Wat I tell you guys now, az how goin be fo da peopo dat stay alive now an fo dea kids foeva.

Smart Guys 23:20

No come jalike some a da guys Dat suck um up too much erytime, O dat pig out to da max.

Habakkuk 2:5

Still yet, da big head Babylon army guys no res eva. Dey rich, az why no can trus um. Dey greedy, jalike no mo enuff mahke guys Fo fill up da Mahke Peopo Place. Az why dey catch all da nations fo ony dem, An bring um togedda fo come dea prisonas.

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.