Smart Guys 2:8 - Hawaii Pidgin Bible

⁸ So God watch da way da peopo judge. God no let notting bad happen To da peopo dat stay tight wit him,

Smart Guys 2:8 Referans Kwoze

Songs 23:3

He make me come strong One mo time inside. He take me on da bestes trail, Fo erybody know wat kine god him.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!

Songs 145:20

Da One In Charge take good kea A all da peopo dat get Love an aloha fo him. But he wipe out da peopo Dat stay do wass wrong.

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.

Songs 66:9

Cuz God, he da One dat make shua Us guys stay alive, He no let us fall down an mahke.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

Smart Guys 8:20

Erytime, I stay do da right ting. No matta wea I go, I judge da right way.

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

Isaiah 35:9

No mo lion o wild kine animal dat like eat you Goin come nea dea. Ony da peopo dat God wen get um outa trouble, Dey da ony ones goin use dat road.

Songs 37:31

Da Rules dat God teach um Stay inside dem. Dey no jam up notting.

Songs 97:10

You guys dat get love an aloha Fo Da One In Charge, Good, you stay hate Da bad tings peopo do, Cuz Da One In Charge take kea Da ones dat stay tight wit him. He get um outa trouble Wen da bad guys come afta dem.