Smart Guys 2:3 - Hawaii Pidgin Bible

³ Go yell fo get somebody Fo help you know importan kine stuff, Fo help you know how fo do one good job.

Smart Guys 2:3 Referans Kwoze

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

Smart Guys 3:6

Wateva you do, tink bout God an wat he like you fo do, Den he goin make shua notting goin jam you up.

Songs 119:169

Eh! You Da One In Charge! Wen I yell fo help, I like you lissen wat I tell. I like fo you help me undastan stuff, Jalike you wen make One promise fo do.

Songs 119:125

I yoa worka guy. Az why I tell, help me fo undastan, Fo me learn da tings you teach.

Luke 11:13

Eh, even if you guys bad peopo, you know how fo give good kine stuff to yoa kids. Fo shua den, yoa Faddah inside da sky, he erytime good, an he goin give his Good An Spesho Spirit to you guys cuz you go aks him fo um.”

Songs 119:73

You, da One wen make me! Was you, wen put me togedda. Help me fo undastan Da tings you tell I gotta do.

Songs 119:34

Help me fo undastan da Rules you give, So den fo shua I goin do um.

1 Records 22:12

Ony one ting—I like Da One In Charge make um fo you tink good bout eryting you gotta do, an help you undastan wass good an wass bad. Den, wen he put you in charge a da Israel peopo, you goin do wat all da Rules from yoa God, Da One In Charge, tell you fo do.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Smart Guys 2:2

An you know, da peopo dat know wat fo do, Wen dey talk, you betta lissen good, An work hard fo undastan da peopo Dat know how fo do one good job.

Smart Guys 2:4

Try hard fo find out, Jalike you was looking fo silva, O fo da kine treasure dat stay bury inside da groun.

Smart Guys 4:1

Eh my kids! Lissen up. I goin tell you how you suppose to ack. Go come ova hea fo learn An undastan wat fo do.