Smart Guys 2:21 - Hawaii Pidgin Bible

²¹ Cuz da peopo dat erytime do da right ting, Ony dem goin live long time on top dea ohana land. Da peopo dat you no can poin finga dem, dey goin stay dea.

Smart Guys 2:21 Referans Kwoze

Songs 37:29

Da peopo dat do da right ting, Dey goin get da land An dey goin stay live dea foeva.

Songs 37:9

Da guys dat do bad kine stuff, God goin cut um off from him. But da peopo dat wait Fo Da One In Charge fo take kea dem, Dey da ones goin get da land Da One In Charge wen promise dem.

Smart Guys 10:30

Da guys dat stay do da right ting, Dey goin live on top dea land all da time, No can throw dem out. But da guys dat stay do bad kine stuff, Dey no can stay.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Job 42:12

Da One In Charge do plenny good tings fo Job afta dat, mo den befo time. He get fourteen tousan sheeps, six tousan camels, one tousan pair cows, an one tousan donkeys.

Songs 37:22

Da peopo dat Da One In Charge Do good tings fo, Dey da ones dat goin get da land Cuz dey his kids. Da peopo Da One In Charge Put kahuna on top dem, Dey goin get cut off from him.

Songs 37:11

But da peopo dat no get big head An no need be da numba one guy, Dey da ones goin get da land Dat Da One In Charge wen promise dem, An dey goin stay good inside Cuz eryting go good fo dem.

Songs 37:3

Trus Da One In Charge an do good tings. Live on top yoa land An take kea da land.

Job 1:1

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Smart Guys 28:10

Wen somebody bulai good kine peopo Fo make um go da wrong way, Jalike dey stay dig one hole fo trap da good guys, But dey da ones goin fall inside. But da kine peopo dat do da right ting erytime, God goin give dem good tings Cuz dey his kids.

Songs 37:18

Da peopo dat ack So dat nobody poin finga dem, Da One In Charge, He tink plenny bout dem. Da land he goin give dem Cuz dey his kids goin stay foeva.