Smart Guys 2:12 - Hawaii Pidgin Bible

¹² “Wen you know wat fo do erytime, You can get outa trouble From da peopo dat like do bad kine stuff An from da peopo dat talk sly kine.

Smart Guys 2:12 Referans Kwoze

1 Corint 15:33

Eh! No go tink da wrong way lidat! Jalike dey tell, “You hang out wit da bad kine guys, dat goin jam you up fo you no be one good guy!”

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Jesus Guys 20:30

Some a dem guys goin come from you guys. Dey goin change da true stuff fo take some peopo wit dem.

Smart Guys 9:6

You guys dat donno wat fo do, You gotta change how you stay, Fo you live fo real kine! You gotta stick wit da way Dat goin help you undastan stuff!’ ”

Smart Guys 3:32

Cuz Da One In Charge, he no like crooked kine peopo, Dey make him sick. But da peopo dat stay do wass right, Dey stay his good frenz.”

Songs 141:4

No let da way I stay inside Make me do da kine tings dat stay bad O do horraz kine stuff. Wen odda peopo no do wat stay right, No let me even eat Dea onolicious kine grinds.

Songs 101:4

I no goin take all da crooked kine stuff peopo talk bout. I no goin even know how Fo do wass bad.

Smart Guys 6:12

Da good fo notting kine peopo, dat ony do bad kine stuff, Dey go all ova da place an bulai peopo.

Smart Guys 10:32

Da peopo dat do da right tings, Dey know wat kine words good fo help peopo. But da peopo dat do bad kine stuff, Dey talk sly kine, dey ony know how fo bulai.

Smart Guys 23:33

Inside yoa head, You see any kine stuff Dat you no can handle, An yoa head goin make you talk like you pupule.

Smart Guys 28:26

Whoeva tink da way dey tink is right erytime, Dey tink dey know eryting but dey donno. But whoeva know wat fo do erytime, An live lidat, Dey no goin get hurt.