Smart Guys 2:10 - Hawaii Pidgin Bible

¹⁰ Cuz inside, you goin start fo know wat fo do, An you goin stay real good inside Cuz you know plenny stuff.

Smart Guys 2:10 Referans Kwoze

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 119:162

Me, I stay real good inside Cuz I know wat you wen promise fo do. Dat make me feel Jalike I find one big treasure.

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 19:10

Wen Da One In Charge tell wass right, Az good you like lissen him Mo den you like get gold, Even mo den plenny gold, da bestes kine. Da Rules From God, mo sweet den da honey, Even da fresh honey dat stay inside da wax still yet.

Songs 119:111

Da tings you teach, Dey goin stay wit me all my life, Cuz dey da tings dat make me Stay real good inside.

Smart Guys 14:33

Da peopo dat can undastan stuff, Dey feel good inside Cuz dey know wat fo do erytime. Da stupid head peopo wit attitude, Sometimes inside dey know wat fo do.

Songs 119:103

Da tings you wen promise fo do, Dey good. Fo me, jalike dey taste Mo betta den honey.

Songs 119:97

Eh! I get love an aloha Fo da Rules you teach! All day, I tink bout um.

Smart Guys 1:4

Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

Smart Guys 22:18

Cuz wen you keep all dis stuff inside you, Eryting goin be real good. Den eryting you wen learn Goin stay ready fo tell odda peopo.

Smart Guys 4:6

No make deaf ear fo learn wat fo do, Cuz bumbye dass wat goin take kea a you. You gotta fo real kine like wat you learn, Fo stay outa trouble.