Smart Guys 19:8 - Hawaii Pidgin Bible

⁸ Anybody learn how fo tink good, Fo shua dey goin take good kea dea life, An live long time. Anybody try hard fo undastan wass happening, Eryting goin come good fo dem, fo shua.

Smart Guys 19:8 Referans Kwoze

Smart Guys 16:20

Anybody lissen real good To da guys dat know wat fo do erytime, Dey goin come out okay. Anybody stay trus Da One In Charge, Dey can stay good inside.

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 4:6

No make deaf ear fo learn wat fo do, Cuz bumbye dass wat goin take kea a you. You gotta fo real kine like wat you learn, Fo stay outa trouble.

1 Peter 3:10

Cuz da Bible tell, “Whoeva like live one good life, An be jalike dat ery day, He gotta no talk bad bout stuff, An no bulai o scam nobody,

John 14:21

“Whoeva take wat I tell um fo do, an do um, dass da ones dat get love an aloha fo me. My Faddah goin get love an aloha fo dem, an I goin get love an aloha fo um, an I goin show um who me fo real kine.”

Smart Guys 22:18

Cuz wen you keep all dis stuff inside you, Eryting goin be real good. Den eryting you wen learn Goin stay ready fo tell odda peopo.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Smart Guys 4:21

Read um plenny time, No stop, make shua nobody stop you, So wat you read stay inside you An you tink bout um all da time.

Smart Guys 4:4

My faddah, he wen show me Wat I suppose to do. He tell me dis: “Good yoa head keep da tings I tell. Do da tings I tell you fo do, Den you can live fo real kine.

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.

Songs 19:11

An one mo ting, I one guy dat work fo Da One In Charge, An from da kine tings he tell, I know wat not fo do. Da peopo dat make shua dey do wat Da One In Charge tell, He make shua plenny good tings happen to dem.

John 12:25

Whoeva like hang on to dea life, dey goin lose um. But whoeva give up dea life in dis world, goin hang on to um, an stay live to da max foeva.

Ezekiel 36:26

I goin give you guys one new kine heart, an put one new kine Spirit inside you guys fo make you tink diffren kine. I goin hemo yoa stone kine hard heart an give you one sof kine heart dass fo real.

Smart Guys 19:9

Da kine guy dat bulai in front da judge, Fo shua, da judge goin punish him! Da kine guy dat bulai erytime he open his mout, He goin come wipe out!

Smart Guys 3:22

You do dat, an inside, you goin live fo real kine, An you goin be da kine guy dat erybody like, Jalike you get one nice lei on yoa neck.