Smart Guys 19:6 - Hawaii Pidgin Bible

⁶ Plenny peopo try make nice nice to all da alii guys, An erybody like come fren wit da guys dat give um one present.

Smart Guys 19:6 Referans Kwoze

Smart Guys 29:26

Get plenny peopo Dat like make da guy in charge a dem tink dey stay okay. But Da One In Charge, he da ony one dat know Who stay okay an who no stay okay Fo real kine.

Smart Guys 18:16

Wen you give one present to importan peopo, Make um easy fo talk to dem layta, An help you come tight wit dem.

Smart Guys 17:8

Wen somebody give money unda da table To one guy dat he tink can help him, Da guy dat give da money tink Da odda guy goin change his mind. An he tink Da money jalike magic, Fo make da odda guy do someting.

Smart Guys 21:14

Wen somebody stay huhu wit you, Give um one present, But no tell nobody, Den da one stay huhu, Goin come so notting bodda him. Peopo put unda da table kine money Inside da odda guy pocket, Fo make da odda guy no stay mad no moa.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Start 42:6

Dat time, Joseph was da guy in charge a all da land, Egypt side. Was him dat stay sell da food to all da peopo inside dat land. Joseph braddah guys go by him, an dey go down in front him, an put dea face on top da groun fo show um respeck.

Rome 6:23

Dis da deal: Wen you do da tings you not suppose to do, dass how you get cut off from God. But get anodda deal dat God get fo you. He like give you someting dass real good—da real kine life dat goin stay to da max foeva! An you get dis wen you stay tight wit Jesus Christ, Da One In Charge a us guys.

Matthew 2:11

Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

Smart Guys 16:15

Wen da king face look nice, Dat mean he like you an you goin live long time. Wen he like wat you do, Az good fo you, az jalike da clouds Dat bring rain jus da right time.

Songs 45:12

You da princess from Tyre. Da rich peopo from dat land, Dey goin bring you all kine present Fo make you tink good bout dem.”

Start 43:15

Den da guys take da present, double da silva, an Benjamin. Dey go Egypt side an dey go stan in front Joseph.

Start 32:20

He tell um fo tell dis too: “Yoa slave guy Jacob, he goin come afta us guys.” Cuz Jacob figga, “I goin sen present befo I get dea. Den maybe dat make um no get plenny huhu wit me wen I see um. Maybe he let me go.”