Smart Guys 19:5 - Hawaii Pidgin Bible

⁵ Da kine guy dat bulai any kine in front da judge, Fo shua, da judge goin punish him! Da kine guy dat bulai all da time, No way he goin get away!

Smart Guys 19:5 Referans Kwoze

Smart Guys 21:28

Wen one guy tell in front da judge wat he wen see But he ony bulai, Da judge goin wipe um out. But da guy dat know wat wen happen Cuz he look an lissen good, Da judge goin let um tell eryting.

Smart Guys 19:9

Da kine guy dat bulai in front da judge, Fo shua, da judge goin punish him! Da kine guy dat bulai erytime he open his mout, He goin come wipe out!

Smart Guys 6:19

Peopo dat bulai any kine In front da judge. An numba seven, mo worse— Az da kine peopo Dat make braddahs go beef each odda. Dass da kine peopo Da One In Charge tell “Laytas” to.

Outa Egypt 23:1

No go tell odda peopo tings you hear if you know az not true. Wen get somebody dat do one bad ting, no go make one deal wit da guy dat do one bad ting so you go bulai da judge fo him.

Daniel 6:24

Den da king tell his guys fo go get da guys dat wen bulai an poin finga Daniel. He tell um fo throw dem an dea wifes an kids inside da hole wea da lions stay. Dey neva even touch da bottom a da hole cuz da lions grab um an grind um up, even dea bones.

Rules Secon Time 5:11

“No go use my name an ack jalike dat give you da right fo do any kine stuff. Cuz me Da One In Charge, an anybody use my name fo do any kine stuff, no way I goin let dem go an no punish dem.

1 Kings 2:9

But now, no need ack jalike da guy neva do notting bad. You one guy dat know wat fo do erytime, so you know wat fo do bout Shimei. He stay ol an get white hair, but make um bleed befo you sen him down to da Mahke Peopo Place!”

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)

Songs 56:7

So den, God, no let dem guys get away Afta all da bad kine tings dey wen do! Make all dose diffren peopos Come notting Cuz you tell “Laytas” to wat dey do!

Smart Guys 14:5

Da kine peopo dat you can trus Fo tell da trut in front da judge Dey no bulai nobody. Da kine peopo dat bulai erytime, Dey goin bulai in front da judge too.

Outa Egypt 20:16

“Wen you gotta tell someting in front one judge fo show proof wat anodda guy wen do, no bulai.

Smart Guys 14:25

You tell da trut erytime in front da judge, You stay make shua da guy dat neva do notting bad, No need mahke. But no can trus Da kine peopo dat erytime bulai in front da judge.