Biblia Todo Logo
Bib sou entènèt

- Piblisite -




Smart Guys 19:3 - Hawaii Pidgin Bible

3 If you go all out fo do stupid kine stuff, You goin jam up yoa whole life. An den you goin come huhu An tell dat Da One In Charge get da blame.

Gade chapit la Kopi




Smart Guys 19:3
21 Referans Kwoze  

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.


Da kine peopo dat do eryting dey suppose to do, Dey do da right ting erytime no matta wat. Cuz a dat, dey goin know wat fo do too. Da kine peopo dat you no can trus an dey try trick you erytime, Wat dey stay do, dey ony goin come wipe out.


Da guys dat do bad kine stuff, No let dem make you come huhu. An no go tink “I like be Jalike dem guys Dat stay do wass wrong.”


Befo Elisha pau tell um dis, da messenja guy come by da door. Same time, da king tink lidis: “All dis trouble come from Da One In Charge. How come I gotta wait dis long time fo Da One In Charge do someting?!”


Cuz anybody dat go agains Da One In Charge, az bad, Jalike if dey aks da fortune tella guys wat goin happen, An anybody dat no do how dea boss tell um fo do, az wrong awready, Jalike if dey go down in front da idol kine gods. You! Cuz you tell ‘Laytas’ to wat Da One In Charge tell you fo do, Az why he tell ‘Laytas’ to you! You no goin stay king no moa!”


Samuel tell Saul, “Bummahs! You wen ack stupid! You neva lissen an do wat yoa God, Da One In Charge, wen tell you fo do! If you wen do wat Da One In Charge tell, den he make you come da ancesta awready fo da kings ova da Israel peopo, foeva. But, you neva do um!


Cuz da stupid kine guys Dat ack jalike God no matta, Dey talk stupid kine stuff. Dey tink plenny bout how fo make trouble. Az why, wateva God like, dey no like um. Az why dey teach Da wrong kine stuff bout Da One In Charge. Az why dey make shua Da hungry guy no get notting fo eat, An dey no let da guy dat stay thirsty Get notting fo drink.


How come you talk jalike you stay huhu wit God?! How come you let dat kine talk come outa yoa mout?!


How come somebody dat stay alive squawk, Wen Da One In Charge punish dem fo da bad kine stuff dey wen do?


“But you guys tell, ‘Da way da Boss do stuff, az not pono!’ Lissen, you Israel ohana peopo: You guys tink da way I do stuff, not pono? O you da ones dat stay do wass not pono!


Swiv nou:

Piblisite


Piblisite