Smart Guys 19:2 - Hawaii Pidgin Bible

² An no good, you go all out fo do someting But you no tink good bout wat you doing. An no good, you rush An come jam up.

Smart Guys 19:2 Referans Kwoze

Smart Guys 21:5

If get peopo dat work hard, an dat no bodda dem, Den, wen dey make one plan how dey goin work, Fo shua dey goin come rich. But da ones dat like come rich fas, Fo shua dey goin come pooa.

Philippi 1:9

So den, dis how I pray: “God, help da Philippi peopo fo get mo an mo love an aloha. Den dey goin undastan plenny, an figga wass good an wass bad.

Smart Guys 29:20

Wen get one guy dat talk befo he tink, Goin be mo hard fo teach dat guy fo tink befo he talk, Den fo teach one stupid guy fo know wat fo do erytime,

Rome 10:2

I can tell you dis bout dese peopo: Dey like go all out fo God, but dey donno da mos importan stuff fo know him fo real kine.

John 16:3

Dey goin make lidat to you guys cuz dey donno my Faddah an dey donno me.

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Smart Guys 28:20

Da kine guy you can trus erytime, God goin do plenny good tings fo him. But da kine guy dat try hard fo come rich fas, God goin punish him.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

Teacha 7:9

No come huhu fas, aah?! Cuz dass how da stupid guys stay inside.

Smart Guys 28:22

Da greedy kine peopo Dat like come rich real fas, Dey donno dat bumbye, Dey goin come broke an no mo notting.

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Smart Guys 14:29

Da guy dat stay long time so notting bodda him, He undastan plenny. Da guy dat come huhu real fas, Erybody know him stupid.

Smart Guys 1:16

Cuz ery place dey go, dey ony go dea fo do bad kine stuff. An dey go fas, cuz dey like make peopo bleed an mahke.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Job 31:5

“Fo shua, I no live da way dat worth notting, An I no rush fo bulai somebody.

2 Kings 4:39

One a dem go inside one field fo get vegable kine stuff, an he find one wild vine. He take some a da wild calabash from da vine, an cut plenny an carry um inside his robe. Wen he come back, he cut um up an put um inside da stew pot. Nobody know wat kine vine dat was.