Smart Guys 19:12 - Hawaii Pidgin Bible

¹² Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Smart Guys 19:12 Referans Kwoze

Hosea 14:5

Jalike da dew give watta from da sky fo make da lily flowa come out, I goin make da Israel peopo come strong lidat. Dey goin be jalike da cedar trees Lebanon side Dat sen down deep roots.

Smart Guys 20:2

Wen da king get mad, You betta come sked, Jalike you sked wen da lion make big noise! You make da king o da lion mad, You goin mahke!

Smart Guys 28:15

Wen one leada guy stay bad, An da peopo dat no mo notting No can do notting bout da guy, Dey feel jalike get one lion Dat make big noise fo bite um, O jalike get one bear dat stay chase um.

Songs 133:3

Wen erybody stick togedda Jalike dey one, Make you feel real good. Jalike wen dew go on da grass Morning time On top da hills aroun Jerusalem, An jalike on top Mount Hermon. Weneva peopo stick togedda lidat, Da One In Charge make shua Eryting go good fo dem, An dey get da real kine life To da max foeva!

Micah 5:7

All da peopo from da Jacob ohana Dat stay alive still yet, Dey goin live togedda wit plenny diffren peopos. Dey goin be jalike dew from Da One In Charge, An rain on top da grass. Cuz nobody can hold back da dew, An da rain come from Da One In Charge, Not from peopo!

Daniel 6:24

Den da king tell his guys fo go get da guys dat wen bulai an poin finga Daniel. He tell um fo throw dem an dea wifes an kids inside da hole wea da lions stay. Dey neva even touch da bottom a da hole cuz da lions grab um an grind um up, even dea bones.

Daniel 5:19

Cuz God make him mo importan, all da diffren peopos from ery country an ery language come real sked a him. Wen da king like somebody fo mahke, he kill um. Wen he like keep somebody alive, he keep um alive. Wen he like make somebody come mo importan, he make um mo importan. Wen he like make somebody come not importan, he make dem come not importan.

Teacha 8:4

Wat da king tell, az wat goin happen. No mo nobody can tell um, “How come you do dat?!”

Songs 72:6

I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Esther 7:8

Den da king come back from da palace garden to da place wea Esther make da dinna. But he see Haman go down on top da couch wea Esther stay, begging her fo give him chance. Da king tell, “Dis guy Haman, he even like fool aroun wit da queen wen she stay hea inside da house wit me!” Wen da king tell dat, da king helpa guys put one cloth on top Haman face fo show he gotta mahke.

2 Samuel 23:4

Dat guy jalike da light, wen da sun come up, An wen no mo clouds. He jalike da sunshine dat come afta da rain go way, Dat make da grass come up from da groun.’

Start 27:28

I like God give you da mist from da sky An good kine crop from da land, Plenny wheat an plenny wine.

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.

Isaiah 18:4

Dis da ting Da One In Charge tell me: “I goin look down from wea I stay, But I goin stay quiet, Jalike da hot air look jalike stay move wit da light, But no mo noise notting, An jalike da watta dat stay on top da grass make one cloud Wen come real hot wen dey cut da plants, But stay quiet.

Esther 1:12

But wen da helpa guys go dea an tell her wat da king tell her fo do, she no like go. Den da king come real mad wit her.