Smart Guys 18:2 - Hawaii Pidgin Bible

² Same ting, da kine guy dat tink he know eryting But he donno notting, He no like bodda fo undastan stuff. He ony like talk bout wat he tink.

Smart Guys 18:2 Referans Kwoze

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Smart Guys 12:23

Da akamai kine peopo, Dey no show off eryting dey know. Da dumb buggahs dat tink Dey no need learn notting, Dey gotta yell out all dea stupid kine stuff.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Smart Guys 13:16

Da akamai peopo do stuff Cuz dey know wat dey stay do. Da peopo dat tink dey know wat dey stay do, But dey donno, No bodda dem fo do stupid stuff In front odda peopo.

1 Corint 8:1

Now I like talk bout da meat dat peopo give fo make sacrifice fo da idol kine gods. All us know plenny bout dis. But you know, if somebody know plenny, dat ony goin make dem tink dey mo smart den erybody. Mo betta get love an aloha fo da odda peopo. Dass wat goin make erybody come mo strong an mo solid inside.

Teacha 10:3

Even wen da stupid guy walk on top da road, he no mo one brain. He show erybody how stupid him.

Philippi 1:15

Fo shua, aah? get some guys dat tell peopo bout Christ, but dey do dat cuz dey no can handle if anodda guy numba one. Dey like make argue an win erytime. But den, get odda guys dat tell peopo bout Christ cuz dey get one good heart.

1 Corint 14:12

Same ting wit you guys—you like go all out fo get powa from God Spirit. Kay den. Mo betta you go all out fo get da kine powa dat goin help all da peopo dat come togedda fo church fo come mo strong inside!

Matthew 8:34

All da peopo from inside da town go out fo see Jesus. An wen dey see him, dey beg um fo go way from dea.

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 18:3

You do bad kine stuff, Peopo goin talk bad bout you. Wen dey no mo respeck fo you, Dey goin make you come shame.