Smart Guys 18:1 - Hawaii Pidgin Bible

¹ Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Smart Guys 18:1 Referans Kwoze

Smart Guys 20:3

Whoeva no talk wen somebody like beef, Peopo goin show respeck fo dem. But all da kine peopo dat do bad kine stuff an no bodda dem, Dey buckaloose an bus up peopo.

Jeremiah 15:17

I neva hang out wit peopo dat like good fun An make big party wit dem. I ony stay wit nobody, cuz you stay in charge a me, An cuz you make me come plenny huhu wit dose peopo.

Smart Guys 24:21

Eh my boy, stay sked a Da One In Charge An da king. But no hang out wit da kine govmen guys Dat ony like get mo an mo powa!

Jude 1:19

Dose guys come by you guys an make you go agains each odda fo split you guys up. Dey no mo God Spirit inside, ony dea spirit.

Mark 1:35

Real early morning time, wen start fo get light, Jesus get up an go outa da house. He go one place wea no mo nobody, an pray ova dea.

Smart Guys 14:10

Ony da guy dat stay sad inside Know how much he stay sore. An wen somebody stay real good inside, Odda peopo no can feel da same ting.

Matthew 13:44

“Wen God in da sky stay King, dass jalike had rich kine stuff dat one guy bury inside one field. Get anodda guy dat find um, an den he bury um one mo time. He stay good inside. Den he sell all his stuffs fo buy dat field.

Smart Guys 26:17

If you hear odda peopo talk jalike dey stay beefing An you jump in, no matta az not bout you, Az stupid, dat! Jalike you stay grabbing one wild dog by da ears.

Outa Egypt 33:16

Cuz ony get one way dat anybody goin find out dat you like me an yoa peopo. You gotta go wit us guys! An if you go wit us guys, az how me an yoa peopo goin be diffren den all da odda peopos inside da world.”

Smart Guys 20:19

Anybody go aroun an talk any kine bout odda peopo, Dey tell all kine stuff dey not suppose to tell. Az why, no go hang out wit da kine guys Dat no can shut dea mout.

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

Rome 1:1

Dis letta from me, Paul. I one worka guy fo Jesus Christ, da Spesho Guy God Wen Sen. God wen tell me fo come be his guy, cuz he like sen me all ova da place fo talk fo him. God wen make me one spesho talka fo tell peopo da Good Kine Stuff From Him.

Mark 4:11

He tell, “God let you guys know all da stuff bout how he stay King. But da odda peopo on da outside, I tell stories fo teach dem.

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Zekariah 7:3

Dey suppose to tell da pries guys inside da Temple fo Da One In Charge, Da God Ova All Da Armies, an da guys dat talk fo Da One In Charge, fo tell dis: “Wat? We suppose to stay sad inside an no eat food da month numba five, jalike we stay do fo plenny year?”

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Rules Secon Time 14:6

You guys can eat any kine animal dat get split in da hoof all da way, an dat chew da food ova an ova.